Nà taq sømlvm vl take té wà nø: gùn dvkáng shì ràe.

Nà taq sømlvm vl take té wà nø: gùn dvkáng shì ràe.

● Tiq røtø tø taq nø gvzá mvjòr rà we gø vlrāe. Gvzá dvzaq dvkáng shì we nø:gùn rì, vshvt kē we wvpkewe mvjàn rì, nønt zaq ídúm shì we, yárì shvngbē nø nønt yòl mvjòr lvm wà íe, wàe. Wà shì lvm bvnlì rì gvzá lùq mvn shì rvt dvdvm ò nøntò røtø vrvm taq gvzá nønt mvjòr lvm wà íe. Dvzaq dvkáng shì we vrvm taq gø pámvbøn lòng røtø, shelá wà zíò nì gø dvdvm mvsháò røtø rì taq, kádáng tè dvzaq dvkáng shì nì gø vshøng mvshøng íra we røtø rì gø lòq mvn shì ràe.

Wedøí rà kē, vsvng góng rì nvng nønt ri, sømbøì wanø shøn lún shìe. Vshaq hè shì nì gø ngá:t nørøm dv:tnà rà høq, nønt mvsøn shvngbe èrø:nò kē zàra kvt shøn mvshá shì høq mòngkan mvdàmò Vsvngrìí wàò we pvn vrvm nø nønt yòr mvjòr lvm wà íe.

Ngà nàmmè, pè làā nà maq lē sømlvm lòng svng cèrè bøì mà wedø mvíe yárø nø cvn shì lvm dvrá dàng íe. Wedø írvt vdèò lvpvt zìdvng vháng lvm dvbvt shvngøt shø:ngè wà nø pàqzí èlù shì, ràe. Tiqkacè røt lvm vlè. Nà nø èsøm lvm lòng svng mècère mà ? Cère nì nø cèrè naqshú íbøì. Wekvt nà nø nønt ècvm shá ò we ínø dvdvmò we, pvwàò nì gø bøn mvdaq a: pmì.

Vsvng lvpvt nø gvzá yvng góng írvt sømdaq kē we dø evl nì nø mvbøng lòng, tiq ticiq vzvng lvp dvpvt nø vshøng ía: pmì, íe. Wedøí nàmvdvm taq vlwe nønt svng nàrvl lúnò kvt nà nø èsøm we vsvng mví bøì. Nàò lvpvt vháng lvm tàrá íbøì wà vlúm shì lvm íe, wàe.

Sømbøì wà svng èyvngò kē zvngdvtùt nø:gùn kù:ngà, kámnønt rì, nønt shøm dø tē zí lúnò we jvt kvbà íe, wàe. Nà svng yápè nø søm bøì wà nø shøn we vsvngrì shvngbe dà lvm dvpvt dvkáng shì we nø shvlá vzvng we zì kà Bà íe, wà nø shá lún shì e.