Nà vjú røtwe rvtø vrvm taq wur pv:ngaw hàm svng dèdamò

Nà vjú røtwe rvtø vrvm taq wur pv:ngaw hàm svng dèdamò

1, လက်မ Wurmà nø vdè góng svng èshóngshì dø, nà nø nà tiqdá vsvng kaq svng gø shóngshì ràe, wàdø tiq dvchá nàí èshóngshì we vsvng vrvm dvpvt vjú røt nà ràe. ( Filipi 1: 3-5 ).

2,လက်ညိူး nø nàí shò:ngò weyvng svng dvnu lúnshì wedø tiq dvchá Paqzí vl we vsvngrì, kámnøt tvrà dvng cvndøng ràwe dvrárì, shvlà we tvrà rì kaqsvng tvnu:ngà we Svrarì, jau, mamarì, Svra wunrì, dvpvt téwa vjú røt dvbvnga ràe, ( 1 Tesalonia 5: 25).

3,လက်ခလယ် nø wur hàmrì shángbè mvdvm yvng we írvt móngdàn øpshú Dù gàmzø rìnvng shv:ngømré shølshú rìdvpvt gø vjú røt nà ràe, ( 1 Timoti 2: 1-2 ).

4,လက်သကြွယ် nø nvngùn yúm vtvng we írvt nøtcvm nøtyòl we vsvng rì, dvshá mvhøt vhømò we vsvngrì, nvngùn yúm we vsvngrì dvpvt gø vjú røt nà ràe, (Yaku 5: 13-16).

5, လက်သန်း nø cvmvtang we wurcè írvt nøngmaq shángbè nø Gvràyó vháng vtang nvng tévtang we kaqsvng shvdún daqòkè cvm vtang íe wanø dvdvm lún lvm rawe íe. Wedø írvt Gvray kaqsvng nøngmaq ràwe shvmán jèjú røtním shì lvm ràe. (Pilipi 4: 6, 19).

2017 Nøng, 6, 27) nì five-finger-prayers-2)