Nøngmaq nvng vbóngwe kédan.

Nøngmaq nvng vbóngwe kédan.

Tiq rvtø taq kédan svng wàò nø mvn yà:ngà pèí kédan svng kà (5) kà dvngtè lvpkà shønò we taq.... 1, Kédan... Nanø gvza tèwe bvnlì wálún lvm vsvng wurí elvng daqe. 2, Kédan... na mvdaq we svng

dvtvn lvm dvpvt shà:mí sø" we nahøm ló:ngòe. 3, kédan na... naí nø vléò rì svng pit lúnòe. 4, Kédan ... nàò gvza vpøwe angké nø nàò vdúng rvm wa vlwe íe. 5, Kédan ... Nàí nø vsvng mvmèí rølúnò

dø wá elúnòe.

Jøng jø'ng wanì kédan nø nøngmaq vsvngrì dø íe wanø shvbó:ngò we íe. Vsvng wawe nøngmaqò lvpvt nø Gvrày kaq vzvng bvnliri dvlè dv:ngí wáshì we ínìnø tèwe lvpvt mvngá svng vto lúnlvm ílò:nge.

Shvmí Kédan svng sø"rò dø nøngmaqò lvpvt taq gø dvshà we banchvtrì dang vrvmø dvgvng shàì nø nønt tøptøp wa dvzaq shìràe.

Vkvtdø dvshà we banchvtrì taq dvgvngshì èlúnò kvt wa nønt tøptøpwa dèzaq shìwe dang vrvm vsvngí yáng etvm vmdaqe. Nøngmaqí vlé ìwe dang taqkèní shvlá dvzvr mvyø we dang svng tuqlvm dvpvt

dvzaq shìlvm, nongùn kù:ngà vlwe svng vná mvdaq we íe. Nøngmaqò nønt vdòng taq vlwe nøngmaqò mvnggá mvdøng vchvk long svng pán vshvt wáshì nø dvtvn lvm rae. Nøngmaq shøni we kà,

nøngmaqí kà rat niwe dang àng nø kūdø,yadø íe waì lòng nø dvgá vsvngrì kaq màshvla we vdeò laqyàrì svng dvtvn shìwe íe. Vdèò lvpvt mvngá svng shvla we lvpvt mvshøl tiqlong ílún høq dvzaq shì ràe.

Kédaní zìwe lvpvt dvjà mvkøm mvdup nvng Kédan mv-taq vpø we " vsvng lvpatò dvpø” svng téwa vpø' shvrìng lvm wàì. Dvshà nø yvklvm svng svre weí kédan svng sha:mí mà sø"rò we ínìnø lvjøm

mv-vlwe dvre ídø vdè nø vdè èshòng nìnø jòwe dang rvzng dv:ngí lvpvt svng ká:m nø cúnshì lvm waì. " I am a pencil in the hands of God ” ( Mother Teresa) Ngà nø Gvràyò wur taq kèní Kédan tiqdãmcè

dø wa ø:ngàe. (Mother Teresa)

Dvmvn we Paul Hpe Ye Dwe, RVA Rawang Rúng Putao Wamà.