Nøtcvm lvm shìwvtrì vhømshì ralong dvgvp

Nøtcvm lvm shìwvtrì vhømshì ralong dvgvp

Làngré lvpat wawe nø ngørngune, pà taqgø nøtbum nøtcvm lvm mvvl wa nø shønkà vle. Welòngnø tiqdang taqkèní jòe wa lánshì we ínìgø we làngré lvpat taq nøtshoklvm rvtø àngnirì vhømshì we gø gvza vlwe svng yánglún shìe.

We mvrilnø mvkrøm nvdøprì cvmwe rvtø íratnø dang àngpvn pvn taq wá vléshì lvmgø yùl yùlcè íwe svng yánglún shìe. We làngrérìò lvpat nø tiqgø nvng tiqgøò lvpat zìdangrì màbóngwe zìdangrì kèní dirawe írat àngmaqò lvpat taq dvzaqshì ràwe taqgø we døni màbóngvmwe íe.

Làngrérì wawe nø mèpvng lvpat ò àngshí ànhwvtrìni íe. Tiqkvt kvt we làngrérì tiqmaq nø àngmaqò lvpat tvràrì vmangvmwe gø yánglún shìe. We dø íwe taq nøtdat nøt cvmlvm mø:í we svng shvdøm mvyø we íe.

Àngdè góng àngdè nøt mvsønrì cvmnø shìwvt vkøn rawe, àngdèò lvpat tvrà vmangvmwe dø íra dvgvp welòng svng wa nøt záng shìwe mø:í dø wenøt kèní kadø jórlúnlvm tvrà svng ládvzaqshì ràwe mvtaq àngdèò vnønvmwe nøt svng gø dvshatshì ràwe íe wawe nvngòn zi mòngkà ngámshì we tut svng mèpvng tìyø taq vrá dvtit tvle lvm íe.