Rvtøò angdvpø

RVA Rawang Shangkà tiyø taq keni "Rvtøò angdvpø wawe kà vgó" taqkeni paqzi dvkøm mvyønge. Shóngshøng we pèmè nvmchvngmaq e,Pøgømsóng vlni nø shvngbe kømzøp e wa lvn ie. Dang vrvmø dvkøm dvzøp lun ni e wadvda:m Sha ie. Ya long nø bàshàri taqkeni Vløm shà iwe,KVM miwe, Vtosha iwe tiqlong inigø, Døngmvn long nø møi. Monggan ø wunmashvlawe pan taq Rvtø gø vbá we íe.Wemvtaq Gongshiqshan lvm tvra nvng kønshaq lvpat svng gø wun mvlun shi we ie.kàshvbung, Vsvng tiqgø nø pø gømsong kømzøp we taq záyvng vhømo rvtø lvjvng Shi lunno nigø gongshiqshan tvrasvng nø wun mvlun shi we ie. Wedø tiqdvchà Shi mvka:m shøng wanø Gumsong i wun gø mashvla we ie. Vle a:mi we rvtøri svnggø vtvng mashvla,wungø mashvla,røt shigø mashvla kadøgø vtvngmashvla we rvtø irvtnø ,nvmchvngrio lvpat taqgø rvtø svng vjú vldø lvng laqlun i.Vhú vhwa møidø rvtø svng màdvshømdø vjù vl dø lvng laqsha i.Nøngmaq nø tiqkvt kvt rvtøsvng màpøinø vhú vhwà vl shà íe.rvtø dvbé inø dvshømi long svng mvdømi. Pawalvm wani rvtø ò dvpø svng mashà irvtnø ie. Nvmchvngri ò lvpat taqgø rvtø svng vpø shálvm vchvt è.Zunshàiwe lvpat taq rvtø nø vwadø lunshi e Wa inø dvda:m we møidø vjúvldø lvng laqlun ni .Nøngmaq i rvtø shini v-lé wa dvda:mi longnø, rvtø svng chvkwa lvng mashà irvt nø gø ie. Rvtø svng chvk màlvng i dvsháshà nàzing ke i wei Lvngdømø nø vjúmavl we Vsvng bønsha ie. Vpø iwe vpevme nvmchvng maqe Zilvngré rie Zunsha iwe lvpat taq rvtøsvng ,lvpatsvng vjú vl dø lvng laqshà i,zunshi laqlun ni Wang paqzi dvkøm mvyønge.