Shà svng gvyaq dvzvr we pvn rì.

Shà svng gvyaq dvzvr we pvn rì.

Tiqnì dvpvt góng vdòng rám ràwe vmlvm aqlvm dangø shà rì kaqsvng zømdàng we shangbèí sháshaq íe. Wedø írvt nø shà rì ngàng lvm dvpvt rawe ínø dvshvn dvshèr lvm dang svng gø vchvk we íe. Shà rì shiqshvn nø ngàng kewa shagóng dvpvt rawe vmlvm aqlvm dang svng gø, shà rì shvnshér kewa vsvng rìnvng vtoq vtip lvm dang gø shvla we tiqdang íe. Shà rì màgvyaq shìdø vyá shì lvm dang kaqsvng dvtvn mvyøng we íe. Tvwan Tvwàn, gvza cí cí gwìt we tìrì taq zø we nv:mwe dat, dvgá dvre rì gøn shú Shìwe mv-vl rvtnø shvnshére, wanø dvdam wegø vlmá mvshá, wedø mví.

Kadø ímá wani, gvza gwìt we aqtì, tvwan rì nvng gvza vkat shìwe vmlvm aqlvm pvn rìí gø shà vdòng rámtaq køn vtvng íwe ditshú rìsvng gvyaq shì dvzvrnø shà zawe, rvtø yanggúng shà zawe høq íshá shì longe. Yøp rvtø Yup lvm rvtø rìtaq nv:ngwà nòng, juice nv:mwetì, rìsvng aqò lùng nø shà bvløng kenø zalùng høq íshá shìe. Téwa nø Cvmré gònicè rìnø yupwe rvtø rìtaq nong cøq we írvt nongcøq sórí yøp shá shì rvt shà bvløng zawe nvng shà bøp we kaqasvng shálún shìe. Soda Soda yvngnø phosphoric, citric acid datrì vbá rvtnø Soda vbá we vm-aq lvm pvn v:mò kvt shà rì té wa gvyaq shá shì we íe. Dvrè rì kaqsvng vzvt nòwe Dvrè rìkaqsvng shàí vzvt nòwe nø shà gvyaq shìwe, shà zawe, shàní zawe nvng shà màrá nø vnvp lvm mvl shà rì svng gvyaq shìwe ílonge. Shà gvyaq Shìwe yúm lvm Vyá shàì wangnø dvshvt we íe.