Shòlaqré tiqgǿ taq yølshì ràwe nøt laqyà (10) dang

Shòlaqré tiqgǿ taq yølshì ràwe nøt laqyà (10) dang

1. Vsv̀ng tiqgǿ taq shvla we dangrì vlwe ínìgø mà shvlawe dangrì sv̀ng wa dvjaqò nø shvyǿm we laqyà.
2. Tiqdá vsv̀ng ò shvlawe , dvgùng shvring vpǿwe tvrà sv̀ng vsv̀ng rì kaq dvshvng lv́m dangrì taq mvwáshì we nøt laqyà.
3. Vdè nv̀ng màpǿwerat mvlún shìwe dangrì taq vsv̀ng tiqdá í lúnlv́m sv̀ng mvshóng wámshì we, mvnúr we nøt í nøt dvgoq gv́l shìwe.
4. Vdè í wá mvlún ò we dang sháshì nvng nvng vsvng tiqdá í wá lún, dánglún lv́m tvrà sv̀ng mvnúr nøt zangwe vsv̀ng.
5. Vsv̀ng tiqdá taq døngmvn we tvrà vlwe svng sháshì nvng nvng pø̀, gv̀msùng vlwe lvpsv̀ng wáshì we nøt laqyà.
6. Ngà vdè vgà:ngvm nìnø íe, vsv̀ng nø svrí shìnì gø laqshì wawe dvsháza nøt mvzang we nøt laqyà zang we.
7. Pø̀, gv̀msùng tiqlòng ratnø̀ màshvla we bv̀nlì wá kamshì we nøt laqyà.
8. Vsv̀ng tiqgǿ nv̀ng vhøm longwe rvtø̀ vrv̀m taq mvrà, cip wa lawe nv̀ng shvyǿm we nøt laqyà zangwe.
9. Pø̀ màdá we vsvng nvng vhøm longkvt laqyà tiqpv̀n wáshìnø pø̀, gv̀msùng vlwe vsv̀ng nvng vhøm longkvt laqyà tiqpv̀n wáshì sháò we nøt laqyà zang vsv̀ng.
10. Nøttǿng, døngmvnwe vsv̀ngrì mvdàm taq mvkang vyá wáshì nø̀ nøt dvgoq wáshì we nøt laqyà zang we.