Shøngrvn nvng Gálòng

Shøngrvn nvng Gálòng

Tiq rvtø taqnø nē mvyángò we angní pè nø dòro møtò nø shv-vm shvaq shì weí vsvk dvkúm shìnø vle. Tiqnì taq angcè gøí angpè svng "vpèá ngàne kadvgvp yvng lvm ímá?” wanø røtnòe. Angpèí shønò we taq ngàcèá nøt mecvm nì, nàí dòrò cømrì høng vkvt (100) høng dvngtè dvt daq nì høq ílù:nge, vlòe. We mepvng gvza malékenì angpè nø shìá mìnø angcè tiqgø wa dòrò møtò nø ngámshìámì we íe.

Wedø íwe angnì kení anglvbán, anglvbán kení ang shvlá, ang shvlá kení ang nøng kaq svng shvleò nø angnø nemvyvngò we lvpvt nvng dòrò møtò nø cúnshì nø vle. Dòrò cømrì vkvt (100) høng dat we rvtø taq angnø nīmòng weí, shà mvkùm, nà mvtá høq shvrøng nø vlwe íe. Angí vhømò we pvn shvngbè nø Cøngcøngdø we vdùng taq zvndvtut vmvn nø vle. Wedø ínì gø ang ngø nø nècì vyø we ínìgø ang mvrshvm taqnø vhø shìe.

Angpèí angsvng gálòng zí shìwe íe. Shøngràn wawe gálòng svng angpè yvng kení lún yà:ngà. We shøngràn wawe gálòng kaqsvng mvlúnò nìnø cøngcøngdø yvng tvrà vmvn lvm wa íe. Møí nínø nèí mvyv:ngò we lvpvt taq nøtyòl nøtcvm nø nøt dat lvm wa íe. Nøt dvgvng shìnø shøngran wawe gálòng vl dvngtè nø cøngcøngdø weí gøm kelvm mavl. Cúnshì we lvpvt taq nøt dvgvngshì nìnø shøngrvn wawe gálòng kaqsvng tiqnì taq nøngmaqí lún lvm ílò:nge.

Add new comment

5 + 3 =