Shamvn Dvgøng We

Shamvn Dvgøng We

Vsvng wàwe gø vrùm taq shvmán jéjú wàwe kùmpaq rï svng mvnàtò ni nø kàdø gø, kùmzupe wà shøng màlún shì. Wedø irvt nø Cvmré gònicè tìgø svng yvngdaqòkè Ang shøq daqkē págø mvbá góng vhúng wurvhúng ínø nvng nvng làqyà ri wawe págø mà-vl màbá nø mònggàn rvgàq taq tuq rawe svng vpè vmè,vnvm vchvngmaq shvngbēí yvngìnø shálún shìe. Ínø gø cvmré gònicè tìgø nø tiqni nø tiqni telòng vháng lòngkè laqyà rìgø vlwe vbádaq we svng yáng lúnshìe. Angpè angmè kà tawe cvmré tigø svng nø Minkà taq nø dágóng yvdànà wawe ìshøt vlwecè íe. Weràt nø Cvmrécè ri tigø nvng tigø angò làqyàrì màbóng we vllè. Cvmré gònicè tigø svng shøq bøò: mèpvng tiq lvbán dángtè págø mvlánò màmvzòngò mvyvngò nø ègàlòkè shìlám wà ílòngè. Angpè angmè maqí nø mvme nøng mvzøngò rvt nø, shàqrérìò jèjú svng oqà wáshá dø cènnàràe. shaqrérì, Svrarì, jèjú dvgárì jèjúrì svng oqà wáshálám tvnùngò nø shvngøt ràè. Shaqrérì, svrarì jèjú svng vtòshì mvsháò nvng nvng tiqmaq nø oqàwá mvsháshi we cvmré tiqgø nø bø nàq tiqgo mvtaq svre rà, vyá shì ràwe íe. Wedøírvt Upkángwè angpè angmèrì svng gø vchak wè angnirì taq ( shøq weni, bóynì, ) lataq nøngmaq cvmré rì shvmán dvgøng we kā røtshì shá ràe. Nvmlat Nvmpvng lega 27: 1- 29 taq gø angpè Isak nvng angmè Rebekah nø angcè Yaku svng shvmán dvgøngkà vlyv:ngà. Wekvt vsvng dvcìrì shá:ng bèhøq lā angkangpè leqwa dà vlòe. Vpè, Angcè, shànshvr pvlvcēí Vshømgø tìqgóng Gvràyí shvmán dvgøngkà rì svng vto lúnò dø dvgárì svng gø shvmán dvgøngkà zílún shì we svng shá dvzvr ràe.