Svre nøt zang we vgo mvrcì taq yøpnvng shøngran rì cúnshì mvlúnò

Svre nøt zang we vgo mvrcì taq yøpnvng shøngran rì cúnshì mvlúnò

Nøngmaq ò jór nvngòn svng vnøn dvzvŕ we nø svre nøt lòng ni íe.

Vsvng mvlúng ka taq lvpat jórlún we tvrà svng mvtuq nø lún kángrì cøm vmwe gø we jòrwe tvrà taqkèní lúnshì we mòngzøl lòng mvdàm krat cømwe rvtø taq tuqrawe zàlvm dangrì svng svre we rat íe.

Shaqré kà tiqlòng taq vsvngrì nø muqlàng móngdàn svng tuq mvyø we vsvngrì wa ínìgø kagø gø shìlvm svng nø mvkamshì wae.
We døni vsvngrì taq vdá mvgàm lvm svng shóngshì we ínìgø kratcøm lvm dang svng nø shìlvm høq svre longe. Weratnø àngmaq shóngshì we manggá svng tuq mvlúnò we íe.

Vsvngrì tiqgø vrvm taq kratcøm we tvra taqkèní wa vrá lutshì lúnì vsvngrì wa íshàe. Kà shvbóng cvm dvgvp lvgunglíng káng mvsháì nø shvngøt shàì we rvtø taq àngboq boq vloq ìe.

Wedøni kratcøm we tvrà màhøm shaq vdá mvgàm rawe vsvng gø mvvl long.

Nøngmaq lvpat rì taq jòrlvm tvra svng shóng shàì we ínìnø nøngmaq yáng zángshì we svre nøt, nøt cvmnøt rì svng dánglún lvm nvmlat vchyak we íe.

Crd