vdè ò lvpat tvrà taq zǿmshì ràwe dangrì

vdè ò lvpat tvrà taq zǿmshì ràwe dangrì

Lvpat tvrà taq zǿmshì ràwe dangrì, lvpat taq shvlá vtang íwe tvrà rì àngwa lúnshì we gø bǿnsháò we rvtø̀ rì vl longe. Ínìgø yùl yùl cè taqkèní wanø lúnshì lv́m mvl long.

Tini rvtø̀ cè taqkèní wa lúnshì shvla we mǿí nø̀ rvtø̀ ri lushì nø̀ dvzaq dvkángshì we taqkèní wa lúnshì longwe gø íe.

Vdè ò lvpat taq zǿmshì ràwe tvrà rìnø kadø íwe dangrì íe má? We tvrà rì nø cv́n dvgøm lv́m yùl we tvrà rì nø møí ínìgø vdè ò lvpat dvpvt vjú zílún we tvrà rì ni ílonge.

Tiqdá vsv̀ngrì ò kà rì svng ètáāò. Nøngmaq tiqgǿ nvng tiqgǿ vtoq vtip shàì we tvrà rì taq tiqgǿ ò kà shaq rì svng tiqgǿ taqkèní táā lv́m nø gvzà ni vchvk wegø íe.

Vdè í shǿn nàtàn ò we kà shaq rì svng tiqdá vsv̀ng í táā wenø gvzà ni vchvk we tvrà tiqlòng íe. Wervt vdè í shǿn nàtàn ò we kàrì svng tiqdá vsv̀ngrì taqkèní táā lv́m wawe nø vdè taqkèní gø tiqdá vsv̀ngrì ò kà rì sv̀ng táā lún lv́m nø laqni vchvk wegø íe.

Tiqgǿ nvng tiqgǿ gø vpǿ ke shálv́m wawe gø svngpv̀n vtoq vtiq we tvrà dvpvt vchvk mvdø̀ng tiqlòng ílonge wervt vdè ò nøt mvsø̀n rì taqkèní shvlawe tvrà rì svng wa dvdam nø vtoshì ràlonge.

Døngmvn we kà rì nvng shvla we kà rì svngwa shǿn vtàn lv́m vchvk longe tiqdá vsv̀ngí vdè kaqsvng kadø dvdam shìe wawe nø vchvk mvdø̀ng møí long.

Vdè wá mvyǿ we bv̀nlì rì svng wá lún lv́m vchvknge. Vsvngrì taqkèní vdè kaqsvng màshvla dø yit kerawe ínìgø vdè góng vdè kámnøt taq rip ràwe íe.

Nøt mvsø̀n kù:ngà vnǿn rawe rvtø̀ rìtaq vdè góng vdè svng ngà taqkèní wá lúnò e wawe nøt mvsø̀n kù:ngà svng kadvgvp gø bvnshì lv́m vchvk we íe.

Vdè ò nvrshì we rvtø̀, yøp rvtø̀ rì svng shvng shvng wa gv́l shì lv́m gø vchvk we íe. Wedø ínø̀ wa bv̀nlì tvrà, paqzí dang rì taq nøt løpshì lúnlv́m ílonge. Yadang rì svng cv́n dvgø̀m shì we nø vdè ò lvpat tvrà taq nøt mvsø̀n mòngzø̀l long svng vtoshì lún lv́m íe.

Shagóng shiqshàn tvrà rì svng vtoshì lún we mvtaq tiqdá vsvngrì mvdàm nvng vdè góng vdè mvdàm taqø gø nøttǿng døngmvn we tvrà svng tuqlún wegø íe.

Vdè ò nøt mvsø̀n dòng taq shvla we kàrì mvl we ínìnø zø̀m wacè kà màshǿn shaq vlwe nø shvlá vtang we tvrà ílonge. Vdè ò shvmná vsor we kàshaqrì taqkèní tiqdá vsv̀ng kaq nøt mvngø̀r lv́m svng wá mvdaq vdè taqkèní vléshìvm we dangrì svng zangwa vchángshì rà longe.

Lvpat tvrà taq màléshì we vsv̀ng nø mvl ínìgø welòng taqkèní tvrà shvdøng shìlv́m cvnshì ràwe íe.

Lvpat tvrà taq mànvr nvr dvzaqshì ràlonge. Vsv̀ngrì tiqmaq taq vdè lún mvyǿwe tvrà rì vtoshì lúnbǿò we rvtø̀ taq nvrshìvm we vsv̀ngrì gø vl longe.

Síngshá ràwe nø jór nònggwòn svng rvtø̀ yvnggúng vtoshì lúnlv́m dvpvt wawe nø kadvgvp gø bv̀nlì dvzaq shì ràwe íe.

Chvpdvp lvpat taq vsv̀ngrì kadø wavm we tvrà rì svng wa dvjaq ìnø̀ v́l sháìe. Vléshì bøwe tvrà rì svng wa dvdam shàì nø̀ nøt dvbum shàì we taqkèní wa rvtø̀ rì dvzø ìe.

Vdè góng svng mòngzø̀l dø wálún we nø vdè taqkèní wani ílonge. Chvpdvp rvtø̀ taq byo byo cè èvl nø̀ we rvtø̀ svng nøt løpshì lv́m gø vchvke.

Vdè ò lvpat tvrà taq dvcì kà àngshv́r rì svnggø cvnshì ràwe íe. Wedø dvcì kà àngshv́r rì cvnshì wenø vdè ò lvpat tvrà svng mòngzø̀l long svng zílún we mvtaq zitnøt svng gø tubùmā we íe.

Vdè ò lvpat tvrà taq wá mvdaq we tiq tvrà nø vsv̀ngrì kaq vzel shìwe nvng vsv̀ngkaq yit kewe laqyà rì mvwáshì lv́m vchvk we íe. Vdè góng vdè kám nøt mvl we vsv̀ngrì taq bǿnsháshì we jàng laqyà tiqlòng taq we vsv̀ngrì kaq yit kewe laqyà gø vbáe.

Vránø vdè ò lvpat tvrà rvtø̀ svng shvlá wa lángshá lv́m gø laqni vchvk longe. Vdè ò bv̀nlì dvlà rì svng shvlá wa shìpvn washì nø rvtø̀ svng vjú vldø láng shálv́m gvzàni vchvk we íe.

vdè ò lvpat tvrà taq zǿmshì ràwe dangrì

Lvpat tvrà taq zǿmshì ràwe dangrì, lvpat taq shvlá vtang íwe tvrà rì àngwa lúnshì we gø bǿnsháò we rvtø̀ rì vl longe. Ínìgø yùl yùl cè taqkèní wanø lúnshì lv́m mvl long.

Tini rvtø̀ cè taqkèní wa lúnshì shvla we mǿí nø̀ rvtø̀ ri lushì nø̀ dvzaq dvkángshì we taqkèní wa lúnshì longwe gø íe.

Vdè ò lvpat taq zǿmshì ràwe tvrà rìnø kadø íwe dangrì íe má? We tvrà rì nø cv́n dvgøm lv́m yùl we tvrà rì nø møí ínìgø vdè ò lvpat dvpvt vjú zílún we tvrà rì ni ílonge.

Tiqdá vsv̀ngrì ò kà rì svng ètáāò. Nøngmaq tiqgǿ nvng tiqgǿ vtoq vtip shàì we tvrà rì taq tiqgǿ ò kà shaq rì svng tiqgǿ taqkèní táā lv́m nø gvzà ni vchvk wegø íe.

Vdè í shǿn nàtàn ò we kà shaq rì svng tiqdá vsv̀ng í táā wenø gvzà ni vchvk we tvrà tiqlòng íe. Wervt vdè í shǿn nàtàn ò we kàrì svng tiqdá vsv̀ngrì taqkèní táā lv́m wawe nø vdè taqkèní gø tiqdá vsv̀ngrì ò kà rì sv̀ng táā lún lv́m nø laqni vchvk wegø íe.

Tiqgǿ nvng tiqgǿ gø vpǿ ke shálv́m wawe gø svngpv̀n vtoq vtiq we tvrà dvpvt vchvk mvdø̀ng tiqlòng ílonge wervt vdè ò nøt mvsø̀n rì taqkèní shvlawe tvrà rì svng wa dvdam nø vtoshì ràlonge.

Døngmvn we kà rì nvng shvla we kà rì svngwa shǿn vtàn lv́m vchvk longe tiqdá vsv̀ngí vdè kaqsvng kadø dvdam shìe wawe nø vchvk mvdø̀ng møí long.

Vdè wá mvyǿ we bv̀nlì rì svng wá lún lv́m vchvknge. Vsvngrì taqkèní vdè kaqsvng màshvla dø yit kerawe ínìgø vdè góng vdè kámnøt taq rip ràwe íe.

Nøt mvsø̀n kù:ngà vnǿn rawe rvtø̀ rìtaq vdè góng vdè svng ngà taqkèní wá lúnò e wawe nøt mvsø̀n kù:ngà svng kadvgvp gø bvnshì lv́m vchvk we íe.

Vdè ò nvrshì we rvtø̀, yøp rvtø̀ rì svng shvng shvng wa gv́l shì lv́m gø vchvk we íe. Wedø ínø̀ wa bv̀nlì tvrà, paqzí dang rì taq nøt løpshì lúnlv́m ílonge. Yadang rì svng cv́n dvgø̀m shì we nø vdè ò lvpat tvrà taq nøt mvsø̀n mòngzø̀l long svng vtoshì lún lv́m íe.

Shagóng shiqshàn tvrà rì svng vtoshì lún we mvtaq tiqdá vsvngrì mvdàm nvng vdè góng vdè mvdàm taqø gø nøttǿng døngmvn we tvrà svng tuqlún wegø íe.

Vdè ò nøt mvsø̀n dòng taq shvla we kàrì mvl we ínìnø zø̀m wacè kà màshǿn shaq vlwe nø shvlá vtang we tvrà ílonge. Vdè ò shvmná vsor we kàshaqrì taqkèní tiqdá vsv̀ng kaq nøt mvngø̀r lv́m svng wá mvdaq vdè taqkèní vléshìvm we dangrì svng zangwa vchángshì rà longe.

Lvpat tvrà taq màléshì we vsv̀ng nø mvl ínìgø welòng taqkèní tvrà shvdøng shìlv́m cvnshì ràwe íe.

Lvpat tvrà taq mànvr nvr dvzaqshì ràlonge. Vsv̀ngrì tiqmaq taq vdè lún mvyǿwe tvrà rì vtoshì lúnbǿò we rvtø̀ taq nvrshìvm we vsv̀ngrì gø vl longe.

Síngshá ràwe nø jór nònggwòn svng rvtø̀ yvnggúng vtoshì lúnlv́m dvpvt wawe nø kadvgvp gø bv̀nlì dvzaq shì ràwe íe.

Chvpdvp lvpat taq vsv̀ngrì kadø wavm we tvrà rì svng wa dvjaq ìnø̀ v́l sháìe. Vléshì bøwe tvrà rì svng wa dvdam shàì nø̀ nøt dvbum shàì we taqkèní wa rvtø̀ rì dvzø ìe.

Vdè góng svng mòngzø̀l dø wálún we nø vdè taqkèní wani ílonge. Chvpdvp rvtø̀ taq byo byo cè èvl nø̀ we rvtø̀ svng nøt løpshì lv́m gø vchvke.

Vdè ò lvpat tvrà taq dvcì kà àngshv́r rì svnggø cvnshì ràwe íe. Wedø dvcì kà àngshv́r rì cvnshì wenø vdè ò lvpat tvrà svng mòngzø̀l long svng zílún we mvtaq zitnøt svng gø tubùmā we íe.

Vdè ò lvpat tvrà taq wá mvdaq we tiq tvrà nø vsv̀ngrì kaq vzel shìwe nvng vsv̀ngkaq yit kewe laqyà rì mvwáshì lv́m vchvk we íe. Vdè góng vdè kám nøt mvl we vsv̀ngrì taq bǿnsháshì we jàng laqyà tiqlòng taq we vsv̀ngrì kaq yit kewe laqyà gø vbáe.

Vránø vdè ò lvpat tvrà rvtø̀ svng shvlá wa lángshá lv́m gø laqni vchvk longe. Vdè ò bv̀nlì dvlà rì svng shvlá wa shìpvn washì nø rvtø̀ svng vjú vldø láng shálv́m gvzàni vchvk we íe.