Vsvk tevmwe vsvngrì nvng àngmaqò shiqshàn lvm dang tvrà rì dvpat kà dvmvnä ràwe dang.

Vsvk tevmwe vsvngrì nvng àngmaqò shiqshàn lvm dang tvrà rì dvpat kà dvmvnä ràwe dang.

Vsvk témvnshì rawe àngpè àngmè, svrøng mvnshì rawe shaqré shaqtangrì kaq tiqdang dang cètaq kèní nø tubùm dvbangā ràlonge. Ànhmaq taq kàpà dang ràwe, shóngwámshìwe svng àngmaq nvng dèmvnwe taqkèní síngsháā ràlonge.

Rvtø lúnshìwe taq cvn nø àngmaq nvng dvmvn we mvngushì we wáā ràwe íe. Kàshvbóng àngdè tiqchøm rvbrì kadø vzvng kaq vlráshà, vkvt kadø vk vdu ráì, mèpvng kaq kadø bøn vdu we tvràrì àngmaq nvng mvngushì nø dvmvnwe wá ràwesvng shøn mvyø weíe.

Wewa mvtaq àngmaq taq kapà ràwe dangrì svng gø àngmaqò nvnggøp kèní vchángshì radø røtwe wá ràlonge. Kàshvbóng àngdèò àngpè, àngmè maq vsvk te, svrøng mvnshì ranø shiqshàn tvrà mvvl rawe rvtø taq à àngmaqò bvnlì døngjá rì svng paqdàng tvleā ràwe mvtaq àngmaq dvpat zømdàng lvm cì zíāwe, àngmaq svng gùnnø tubùm dvbangā we dangrì wáā ràe.

Wedø ínøwa àngmaq nvng àngcø àngcèrì dvhø shóngnøt vzøm vzap wálún shìwe tvrà bønlún we íe.

Nøngmaq gø vrvmnø cvmré lvpat taq zùng yáng kèní èlo ra dvgvp àngpè, àngmè mvrshvm svng èyàng bøò kvtwa nøtshøm, nøtløm we svng lún:ì we dø tiqdvchá àngmaq vsvk tera we rvtø taq gøwedø ni àngcøàngcèrìò mvrshvm, shønkàrì svng yáng mvyø tá mvyø wewa íratnø làngrérì taq vsvk tevm we àngpè, àngmè, shaqré shaqtangrì kaq dang vrvm kèní vtoq vtip shìnø tubùm dvbangā ràwe bvnlì døngjá vlwe mvtaq we bvnlì taqkèní jejú, ishøt lushì shvla we gø íwe svng dvtit tvle svngkà yayáng naròe.

Add new comment

13 + 0 =