Yánglúnshì we nenvng Tálúnshì we vnà

Yánglúnshì we nenvng Tálúnshì we vnà

Yánglúnshì we nenvng Tálúnshì we vnà vlrvt nø vdènø vdè nøntshøm dvbùlám vl we vsvng ísha wanø síngshá ràe.
Mati 13. 16 - 27
Wedø ínìgø namaqí nø nēí èyv̀ngnø̀ng nø vnàí gø ètá nǿng rvtnø ìshøt ìgv̀n èlúnnønge. e 17 Ngàí namaq svng v̄la:tnìni, kàdvtutshúri nvng døngman vsvng mvmēí nø, namaqí èyv̀ngnø̀ng rì svng yv́ng mvyǿ nìgø yv́ng mvlún yà:ngò; namaqí ètánøng rì svng tá mvyǿ nìgø tá mvlún yà:ngò.”
Ã-chømciq kení nøngmaq gø vrvmí tásíng shì lvm vle. Pazí vlrì kení Pazí vdè rvcà:ngò we nøt dvshat mvshøl íyè.
Darì dvgvp móngdan tiqlòng koqkám tiqpè vle, wae. Yapè koqkvm nø paqzí vdá we tiqpè íe, wae. Tiqni taq àng móngdan taq vl we vsvngrì kení paqzí vdèrì svng vløtlvm rvt gvcvt tiqlòng vjø:no nø shvngbēí dvkø:mòe wae.
Koqkvmpèí paqzī vdèrì svng vrøpshaq hang (3) lòng yáng dvzà:ròe. Angmaq svng la:pmò we nø- hang (3) lòng taq mà-bóng we vl má èlánøng. Lá elón bønøngpè svng nø koqkvmpè dvrè tiqka vwá:la kà íe, wae. We lvng kení paqzí vdèrìí nø vrøpshaq hang (3) lòng svng mvtì mvni shu:pmò, yà:ngò nø mà-bóng zàng láòe, wae.
Paqzí vdèrìí hang werì yà:ngó dvgvp shvngbe vbónge, wae. Wervt pazí vdèrì nø shvngbe vdè chømsvng dvtiq shì sórí loà:mì, wae.
Iwe, tiqpèí nø hang (3) lòng taq mà-bóng we tiqlòng yvnga:pmà lòng dvdvm daq kvt koqkóm wáng svng vtáng nø koqkámpè svng yadøa:lòe. Koqkámpèé! Hang tiqlòng taq nø vnà lòng nø kulap, yalap zvngwa jaqe. Vrá, dvgá hang tiqlòng nø vnà lòng vdòng rvm høq mv-jaq. Vrá hang tiq lòng nø kulap yalap zvng wa jaqe. Vrá ràqgá hang tiq lòng nø vnà lòng nvng nvrøm lòng vzømme, a:lòe. Koqkvmpèi Yápè nø ngà móngdàn taq vl we paqzí vdèrì kení paqzí vdèpè íe. Ngàí vmíng shvlang bønggà dø, dènï kení ngà vdáng we dvrè rvwè kení tiqka vwála:ngòe vl yàngòe, wae.
Yalòng mvshøl kení paqzí lushì lvm nø denìla nøngmaq vnà vdá nì gø hang (3) taq vl we vnàrì màbóng dø nøngmaq vnàrï gø màbóng we svng yvnga lúnshìe.
Nvmlathang taq
Vl we vnà nø pà svng shvbónge ma? Tiqmaq vnà nø vdòng rvm svng mv-jaq. Pà táò nìgø mvtá a:tnò dø íe.
Hang vní lòng taq
Vnà nø pà svng shvbónge má? Tiqmaq vnàrì nø táò nìgø nønt taq mvshøpshì. Dvpø mvgà:lò. Kulap kení yalap, yalap kení kulap svng zvng wà vle wae.
Hang vshøm lòng walòng
Vnà nø pásvng shvbónge má? Tiqmaq ínì táò dø can:nò we svng wae. Shøn mvyø we nø táò lòng nønt mvsøn nvrøm kaqsvng dvtuq òe. Vnàí tá dá:ngí nønt mvsøn kaq zá:ngö gø nø paqzí vdè gø íe.
Wervt dang vrvm taq neí nø tøptøp wa táí nø nøntmvsøn yáng zvnglám wàe, vshé nàwang Rvwàngcèrìe !!!