Zilangre ri nvng singwe 8 ciq

zìlàngré rìnàngsing nø dvshá dvzit we shvngka taqnø zìlàngré tiqgøò lvpat taq àngdèò kámshìwe nønt longtaq kèní àngdeò mangá sàng diràwe 8 ciq taq kèní dvshá dvzit mvyøng:e.

1. Àngdèò shiqsàn tvrà cánshì nø shang shang wa vlsháshì ràe. Shiqshàn nø shang shang wa vl rae wawe taq góng gwá àngshaŕrì gwŕshì ràwe sàng shøn mvyøwe møí. Vdètaq vlwe gónggwá pèlaq rìnàng shang shang wa yáng vtok dø vl sháshìnø shiqshàn tvràrì cán sháshì ràwe sàng shøn mvyøwe íe.

2. Shvla we dvng taqkèní dvdāmnø síngsháràe. Zìlàngré rìò lvpvt taq vdèí èwa òwe bvnlìri mvbøn long dvgvp nønt vtāngweí vdèwa mvra shvri shìshá ìe. Wedø íwe nønt vtangnø pàgø mãwá vl lámtvle vdè nøntlúmwe bvnlì tiqpvn pvn ewàò we nøshvlá vtangínø vdèò nønt mvsøn sànggø vrá dvshàtshì weíe.

3. Tvlú dvgøshì sháràwe. Kàshvbóng vdènø vsàng mvldàngtaq kàshøn we taq mvkàmshìnø shvraq shìsháò we ínìnø rvtø lūshìnø shvmunshì dángí tvlú dvgøshì ràweíe. Kadøíwe bvnlìrì ínìgø ewàlvm dedam bøòkat tvlú degøshì nøwa jórnvngòn lúnshìwe íe.

4. Kàshøn we taq namcè shønrà e. Shøn mvyøwe nø, vdèí shønmvyø we kàciqrì sàng vsàng mvldàngtaq namcè shønnø shang shang wa shønshárà we íe. Wedøínø wa vdèshøn mvyølòng vsàngí síngshá daqòwe íe.

5. Mvnggá cèrì gvlshì ràe. Vsàng tiqgøò lvpvt taq àngdêò mvnggá wawe nøshangbe taq vlìwe íe. Wedøí we mvnggásàng jór lúnlám dvpvt dvzaqshìwe tvrà taq manggá cèrì gvlshì ràwe íe. Shøn mvyø we taq nànø paqzí sha vsàng bøn meyønì, nvmlat taq mvgá gá kùngshì lúnhøq shvmùnshì dángí lìga rødvzaq shìràe. Wemè pāng ewaòwe bvnlì rìtaq dvzaq dvkáng shìràweíe. We døínøwa vdèí dedamò we manggásàng lúnshì daqwe íe.

6. Lànggá we mvrashøm nàng vl nø vdèò góng shiqshà tvràdvpvt mvnshì ràe.vsàngrì nàng vzøm vzvp we bvnlìrì taq lànggá we mvrshømnø vsàngrì sàng nøntshøm, nønt løm dvzvŕ weí mòngzøl lòngsàng gø bøndvzvĺ weíe. Mvnshì ràè wāwe taq nø vdèò cúnshìwelvpvt taq gôngnønt mvsøn mòngzøl nø shiqshàn lvm dvpvt mvnshì ràwe sàng shønmvyø we íe.

7. Dvsháza we bvnlì rì taq dvzaq shìràe. Dvsháza we bvnlìri taq kení nønt shømlvm rìlún shìwe mvtaq vsàngígø vløm:ám rānø àngdèò kámnønt sànggø téwa lún dvzvĺ weíe.

8. Vlíng vpo shì lvm ratnø nàmwa wáman ràe. Bvnlì vràm nø rvzaq nøyak we waíe. Wedøíwe taq nàmwa wáepangò nø bvnlìtaq kení cànshì sórí dèdamòwe mànggá rìsàng jórlún lám dvzaq shài wang sórí zìlangré rìnàng sīng wedvshá dvzit we shàngkà long yayáng nvròwe.