Zongdat we rvtø yvng nìnø, Cvmrérìò tiq lvpvt taq cømlvm vle.

Zongdat we rvtø yvng nìnø, Cvmrérìò tiq lvpvt taq cømlvm vle.

The Economist Published on May 11, 2020 Cvnshì lvm rvtørì taq zúngdat we rvtø yvng nìnø, Cvmrérìò lvpvt cømlvm vle wa paqzí vdèrì nø, nøntbùm we íe. Nedaland móngdvn Amstherdam wamà yvng vlwe tvrà mvdvmø Cvmrécèrì nø, ” Corona zongdat rvtø taq” lékcitssagoder rìsvng dvwíwí gwtò nø vle. Spian móngdvn metric wamà yvng nø chøm vdòng taqwa vlnø VDU.game tiqrì wa manshì nø vle. Bengalarthech móngdàn darcar yvngnø chøm yvngwa Cvmrérì remò nø vle. Mòngkàn rvgaq shvngbè yvng vl we zongmàngcerì 1.5 belian kení vshømwál tiqwál nø zong lúng mvlúnò we íe wanø, (ကုလသမဂ္ဂ) mvdò paqzí dang, (သိပ္ပံ) nvng tong laqyà mvdò (Unertsco) yvng kení shøna:tnà we íe. Mìwa nvng dóngkoria taq vle we zong témvlòng svng nø January kení zong mvlòng lvm rvt nar bøã we íe. Potugi nvng American Califonia wamàrì taq vlwe zong rìsvng gø September shvlá høq zong mvlúnglvm rvt dvkvm bøà we íe. Cil mvjàn rì, dvshá mvhøt we nvng nvmbøng mvrùmøt we dvhø taq zong mà-narshìshaq poqlún we íe. Ínìgø, vkvt dø rvtø yvngóng zongmvlùng wenø vhøm Shìráì we íe. Wedø írvt lúnshì lvm vjú nø svre ràwe rvtørì íe. Vsvt cvm vtvng we zòngmvngcèrì dvpvt téwa cøm lvm vle. Zongdat nò rvtnø zòngmvng tiqgø nø (173) dollar nìvrvm katsúme wanø (စာရင်းကိုင်) tiq mvdò íwe Statistics Norway rìí shønò we íe. We paqzí dang katsúm lvm tiqdvng ínø, Angpè angmè maq bvnlì walvm zìdvng gø nonggùn yùmlvm wa íe. Wedø katsúm wenø dvgá wángzà móngdvnrì yvng wa bønwe møí, vkvt nøngmaq móngdàn wamà rì yvng gø vkøn ráì rvt kadø vgám lúnlvm dvzaq shìnìgø nøngmaq ínø vgám lúnlvm møì. Wervt Vsúyaq nvng shiqshan we mvdòrìí dvkangò we tvrã svng cvndvgøm laqlúnì wàng dvtit dvle we mongkà svng yàyáng nà:ròe.