DVDVM VLÉÒ WE DVRVTCÈNÍ

DVDVM VLÉÒ WE DVRVTCÈNÍ 

arì dvgvp angpè angmè níí Vme ráà we dvrvtcè vní gø vle, wae. Angpè angmè níò zaqshøp vllvm nø nongcut nvngwà tiq go, mvdòshvm tiq dùng nvng dvgá ki gunrì wa lá:nga ráà wae. Dvrvtcèpè ní nø tiq ni nø tiq ni tiqdø vl nø,bvnli gø tiqdø washi nø rvtø shvléò nø byo dvngwa vle wae. Nvngwà gø tiqdø rimò, nong gø tiqdø cutnò, yaqdø:ngí gø mvdòshvm du:ngí tiqdø møqshì nø yøpme,wae. Angní nvm té lú:ngì nø nønt gø vdá mvnshì lú:ngì wae. Angní nvm nø rvmnvng cèrìó gø vrvm nø mvnshì nø té lú:ngì wae. Tiq ni rvtnø ta rvmnvng cèrìí angní nvm svng yadø vlatnà wa. "Rvmnvng pèní, nvpè nvmè níí èlá:nga ráshà dvrèrì nø nàwalshìshì le. Mèpvng nàtøl lóngshóe. " Dvrvtcèpè níí gø dvdvm lú:ngà nø, Yadø tiqdø. vlshì nigø, dvrèrì nø vdèdè dvpvtshìshì kvtwa shvlae", wa rùnge wa. Wedà:ngí vlatpèí Yadø vwá:lòe,wa. "Nvngwà go vgo tut shvla tut nø nà èwashì. Ngà nø nigung tut wvngshøngvtnøng. Mvdòshvm dùng gø vyángí nø nà ègwashì. Yaqdøngí nø nga leqøngang," wa nøt vwál bøà wae. Wekvt cvmpeí nø nvngwà go vgo tut taq nónggøp vbá rvt roqò nø shàá:mòe, wae. Vlatpè nø nvngwa dvtuq atnò. ke,ang íaò tut kení nong sutnvm nø angnvmpè svng shvmeòe, wae. Mvdóshvm dùng gø yaqdø:ngí Vlatpè wa gwashì rvt cvmpè nø zøng kéòe,wa. Mepvng ni nø vlatpè nong sutnvm ke,cvmpèí nvngwà vgo long vdipmò rvt sut bøà nongrì gøhwa vupma bøà wa. "Pawánadipmòe? "a:lò ninø, "Ngà vpvt tut da vdipshønge,"wa cvmpè vtvnshìe wa. Mvdòshvm dùng gø vya:ngí tiq taq dvzøn dá:rà yaqdø:ngí kagøí gø gwá mà-shvlá dá:rì wa. Mèpvng nø rvmnvngrì kà rvt angní na:mí wá vlé bøà rì yvngshì lun bòà nø, todø vrá tiqdø vlshì nø tiqdø washìshì, wa nønt vrá nø tiqdø washì yvnge wae.

Wedø ni tiq kvt kvt nøngmaq angnvm angchangrì dvhø tiqdá vsvng mø:íni ngànshà pèí mvnúr nøt kèní dvløt gvzàmwe vl sháshì we taq síngsháì nø tiqnøt tiq myyùng wáshì we kùngà taq zømshàì nø cúnshì ràwe svng shvdøm we íe. Shvngbe nø ròrá shaq kùngà zaq wawe ka taq vháng laqlúnì wangnø nvngùn ziwe dvtit tvle Mvshøl svng yayáng nvr ngòe. Ya mvgøp Shømpa