Góngcó shvyúmà we gvrò mvshé vduk. (အဆီကျစေတဲ့ကြက်သွန်နီသုပ်)

Góngcó shvyúmà we gvrò mvshé vduk. (အဆီကျစေတဲ့ကြက်သွန်နီသုပ်)

  Vpø íwe vnvmchvngmaq, Gvrò mvshé svng kvn angpvnpvn køt vmlvm rvt láng íe. Køt lvm dang nvng vmlvm dang angpvnpvn mà-bóng pàdø, vjú zílún we dang gø mà-bóng we íe. Vkvt dvtan nø Paqzí dvkøm mvyøng we dang taq, gvrò mvshé svng góngshū we có yúmlvm dvpvt vzø'm duk vmlvm rvt láng lvm dang tiqpvn íe.

   Nvmlat; (1) Gvrò mvshé svng baba wàcè vlì:p nø kùngban taq ezá:ngò. (2) Danbyàshí angtì èzá:ngò. Àngshaq shé nø dól we gvrò mvshé svng Danbya mvsattì èzá:ngò weò kí dvt svng a:tpō lúnē. (3) Dùngkwāshí (သခွါးသီး) zá:ng mèyø ni zvmaq ce Baba wàce vli:p nø zà:ng vmlvm shvlae.

  (4) Shé lòng svng èshòng nìnø mv-zangshí vzø'm svng zvmaqce vli:p nø zà:ngvm ràe. (5) shvlaq zvmaqce wā zàng ràe.shvlaq màbá nigø vyaqdā mà-vl we íe. Mv-nuqlá luqni gø shvwi vháng sháòe. (6) Ngór dól lòng svng shòngrì dvpvt nø Gvrò shvpàn zvmaqce zàngvm ràe.(mø-í ni) nannan mate Mvdvm kaq dvtánshì dø vshú nø gvrò mvshé vduk svng lúnshì we íe. Vmpa, jàzan jó dø íwe vmlvm pvnrì nvng gø tiqdø tiqlvng màle vmmà lún ràe. We kvt góng shù we córì shvyúmà lúnē, wànø paqzizí we mongkà taqkèní dvtit dvlé shì we íe.