Mongzxl lunshi lvm Shongnxnt nx kadx sing we long

Shongnxnt nvng Mongzxl

Shongnxnt nx nvrxm nvng pvlaceo tevtvng we bvnli tiqlong ie. Vsvng gx vrvm nx dvgari svng shongshi lvm mvdvm dvgarii vde svng shongshi lvm dvpvt tewa dvdvm we tvra vle.Dvgarii vde svng shvngoshi we rvtx, nxnt nvrxm yvng mongzxl mvvl.

Vsvngo shongnxnt nx, vde mvldvm shvla we rvtx, vde svng vpx we rvtx, dvbvng we rvtx, shvgono we rvtx, nonggon zio we rvtx dvgari kaq shongshie. Vnvm vchvng vduwe rvtx shongshie. Ini gx, vde svng mvshvla dx wawe rvtx, shvngoshi we rvtx, mapx we rvtx dvgari svng mvshongshie. Wervt nx, vsvngo shongnxnt nx mvkxm mvzxp we tvra ie.

Gvrayi nx, nxngmaq svng rvtx vrvm yvng, shvla we rvtx, mvshvla we rvtx shvngbe yvng eshong shae. Gvrayo shongnxnt dvra angsher svng cvn lvm dvpvt nxngmaq svng dvkvmo ie.

Gvrayo shongnxnt nx, dvsha mvhxt we tvrari shvngbe kaq gx vto luno ie. Yesu nx wvlgvng yvng gxnshaq dvbxmshi nx dvsha mvhxt we tvrari shvngbe kaq vtoo sori nxngmaq kaq shongshi we ie. Wervt nx, Gvrayo shongnxnt dvra svng cvn dxng we ini nx nxngmaq nxnt nvrxm, nxngmaq vdong yvng mongzxl vle wawe svng dvdvm lunshie.

Shongnxnt nvng vgvmo we tvrari nx; shvngoshi we long, mvgvm mashvla dx wao, shxno long, dvgari kaq mapxo long, marvm mara we long, mvra mvchuto long shvngbe ie. Yari nx, shongnxnt mvvl we bvnli i rvtnx, mongzxl mvvl we long gx ie.

Dvsha mvhxt vhxm we rvtx vrvm yvng, nxnt zawe rvtx vrvm yvng, ongmin we rvtx vrvm yvng dvgari mvldvm shongnxnt mv-shvyxmo nx shongshi we svng cvn dxng we ini nx dxngman we mongzxl lunshie.

Shongnxnt bvnli nx shongnxnt svng lunshie. Vsvng nvng Gvrayi mvno we rvgaq, dvre shvngbe kaq shongnxnt keni vtoe ini nx Mongzxl lunshie.