Shvnsher we Lvbvn Vbi Niq(Holy Thursday)

Shvnsher we Lvbvn Vbi Niq(Holy Thursday)

Shvnsher we Lvbvn Vbiniq Shvnsher we Lvbvn Vbiniq (Holy Thursday) nx, Yesu Lvmboq ri nvng lvngdxm Vmpa Vmboy wawe niq ie (Mt 26:17-30).

Deni Missa Noqku we rvtx, Gvray Dvbu Shvng Mongka dvshvtno we mepvng, Lvmboq 12 gxo hiri zvro long svng dvdvmo sori shvngxmre keni Shaqre Shaqtvng 12 gx kaq rvcvno nx angmaqo hiri zvro long svng wao niq gx ie (Jn 13:1-15). Yesui Lvmboq 12 gxo hiri zvro rvtx Angi, "Namaq svng Ngai wawe dx tiqdvcha, namaq gx tiqgx nvng tiqgx ewa nxng" (Jn 13: 14-14) wa nx dvkvmo niq gx ie.

Lvmboqrio hiri zvro long nx, shong nxnt keni tiqgx nvng tiqgx dvzxmshu bvnli washi lvm dvpvt ie.

Vra nx, deniq nx, Yesui Zidong nvng Gwin Chvng luo nx Ango Gongsha nvng Shvwi kaq mvno nx Lvmboqri svng zio niq gx ie (1Cor 11: 24-25). Wedx mvno mepvng Lvmboqri svng Shvrungshu bvnli wa lvm vming vkvng zio tvra ie.

Vra nx, Shvnsher we Lvbvn Vbiniq nx Sacramentu ri wao rvtx lvng lvm dvpvt Nvmmvn so ri mvno niq gx ie. Wervt nx, Shvngxm re vdong yvng, Fathers ri nx Missa Noqku we rvtx yvng Yesuo Gongsha i we Zidong nvng Shvwi kaq mvno nx Shvngxmre ri svng shavm shvaqo long ie.

Deniq mepvng nx, Yesu wvrgvng yvng gxnshaq dvbxmshi we Shvnsher we Lvbvn Pvngwa niq hxqo long ie.