Shitshan lvm tvrà taq "Shàgòng nvng nøntmvsøn Shitshan lvm rvt vyúkvnyvng vmra we dang"

Shitshan lvm tvrà taq

"Shàgòng nvng nøntmvsøn Shitshan lvm rvt vyúkvnyvng vmra we dang",tiq dúngce dvshvng mvyøngè.

 

1.Lvpat yvnggóng zúnshílúnlvm rvt Shitshan we tvrà nvng sìngdø

cvn nø vmaq lvm vchvt è.

2.Vitamin tat,Tattuq tat angpvnpvn

nvng Brùdin tat vbá we vyúkvnyvng,shà,shvrvng,vnó dø írì vm mà raè.

3.Ya dang nø shàgòng dvpvt wa møí nøntmvsøn dvpvt gø vbá we íè.

4.gómvci gø shàgòng dø tiq dvchá vdè í vm aq we taq cvn we í bvnlíwa we íè.gómvci Shitshan lvmdvpvt

5.Vidvmin tat,Tattuq tat angpvnpvn nvng dvgá dø nónggún vl we vmaqlvm angpvnpvn gø rà we íè.we dø íwe Tat ri mvkøm rà we rvtø taq vgómvcíò bvnlíwa we dang nònggun vnøt sháò nø nøntmvsøn Shitshan lvm svng gø zá sháò we íè.

 

Kadø ípvn ràèmà wanì?

Vitamin tat,Tattuq tat,Gàbønhvtdvrit tat,nvng Vitamin tat nvng Tattuq tat

nø mvdøng vchvt we ínø V.c, V.b, V.d tat rí vbá rà we íè.Vgómvcí tiqmvnø bvnlíwalvm rvt matgvnician tat,cilininyan tat nvng sit tat dø íwe Tattuq tat ri rà we íè.

We wa mvtaq Cabønhvtdvrit gø rà we íè.Vgómvcíò nònggun dvpvt cullucos gø rà we íè.cullucos nø vm aq pvn taq vbá we Cabønhvtdvrit

taq kení lún shì we íè.Cabønhvtdvrit nø nønt boy dø vldvzvr nø cirúdùne hòmúngtat vllvm vjúzilong gø íè.

 

Cabønhvtrit tat nø kitat vbáwe vm aq pvn nvng angyè vbáwe vnó, shvrvng angpvnpvn taq kèní lún shì we íè.

Amyno atcit nø brúdittat dvpvt vchvt we íè.vgómvcí bvnlíwa we dang taq màvl mvdàq tiqpvn gø íè.