Mongzxi we dxngku

"Mongzøl we døngku"

Shangkà tashinøng we pèmènvmchvng dvcicérì shvngbé kaq svng, Dèni vrà tiqkvt mongzøl we døngku wa we kavgò taq kèní dvmvnø nónggun zí mvyøngè. Vpøi we Pè,mè,nvmchvng maq..

. Rvgaq tøm taq vsvng shvngbè i vzvng lvp tvrà svng dvdvmi nø bønmvyøi lòng nø "mongzølwe døngku" lvpat tiq lòng iè. dèni là online media,Internet lvpat taq tiqni nø tiqni døngku vdòng døngku pè,mè shòngnønt màzøm,màrvm, màràwe i døngku vkvng we loqmvn shiè. We wa mvtàq angpè,mè nvng cvmréri dvhø,angní angnvm dvhø,nønt màboy kèwe gø loq mvn shiè. Tiqchøm vsvng dø màsún kèwe,Caqshøp rì rvt døngku vsvngri vdòngø wangzā nønt nønt nø banchvt ri búng mvnshiè. Tiq gø nvng tiq gø vlømshi we,vpø kèwe shòngnønt ri gø vcar mvn shiè. Vrá nø,tiq gø nvng tiq gø tiqdø mvr vhøm rvzaq we rvtø rígø vlshá shìè. We wa mataq døngku vdòng mong mvzøl we í,angmè boqā kèní cvmré shvmvngò we gø mvmè bønwe svng yvnglún shìè. Mvkok nønt shóng nønt màvl we angpè,angmè rvt mvrà màvl we cvmré rì dvshà dvré vhømò è.Vrà nø shimàtù we cvmré ri dvshá dvré Shia:tù we svng gø yvnglún shìè. Vpø iwe pèmè,nvmchvngmaq yadø íwe nønt laqyarì vllí dvngtè nø nvmlat taq dvdvmi we mongzøl we døngku wa we Ka vgó nvng vcar shá íè.

St,Francis De sale shøn we taq, mongzøl we døngku lún mèyø we gø vrvm nø shvzøngshiwe Kasvdi(saramantu)lòng shansher è wa Kvm rà è wa è. Vrà nø,angcø angcè ri vram vrà lvm,vhvngvlúnlvm rvt a:pnóng shìlúnò we angpè,mè nø kømzøp we døngku angpè,angmè iè wa St,Thomas Aquinas taq kèní shøn yvngà. Vpø íwe pèmè nvmchvngmaq mongzølwe døngku tiq lòng ilvm rvt Shòngnønt wa we gvzà vchvk è. døngku lvpvt wa we nø Gvray i zì we kønpaq tiq lòng gø iè.we rvt tiq gø nvng tiq gø tàsvng talè vsíng kènø,shòngnønt laqya dvtvn we i mongzøl we døngku vto shi lunlvm dvzaq shi rà iè. 1.Døngku vsvngri tiq dø vl lvm rvtø zí lún ràè. 2.Tiq gø nvng tiq gø nónggun vzí kèwe,paqzí vzí kèwe vl ràe. 3.Tiq dø dø vmpaq vm we,dvmvn we vl rà è. 4.Tiq dø dø vjúrøt shi we vl ráè. 5.Tiq gø nvng tiq gø shóngnønt vzøm nø lvnggáwe mvr dvtvn lún ràè. 6.Tiq gø nvng tiq gø mvrà vchut kèwe,tàsvng vsíng kènø dvpvng kèwe vl ràe.

Vpø i we Pèmè,nvmchvng maq mongzøl we døngku svng gvyaq sháò we shvngó shi we nønt,shvngvl shi nønt,ídøm shi we nønt,laqya ri taq kèni rvl Shi lúnlvm rvt dvzaq sháì wang nònggun zí nø dvmvn we ka yàyvng narò è.

.