"Vto shì shaì"wa we Kà vgò taq kèní nonggun zi mvyxè.

"Vto shì shaì"wa we Kà vgò taq kèní nonggun zi mvyxè.

Vpø ìwe..Pèmè,nvmchvngmaq, "VTO'' shì wè nvng "KVM "wè, yà Ka vnílòng nø vbóng døvshvm we íni gø anglvjøm nø màbòng we svng shalún shìè.Vto shì è wa "Kà" anglvjøm nø ya:nglun shì lòng svng wa we ínø "kvm" è wa Kà nø nønt mvsøn vdòng kèní kvm lòng svng wa wè íè.we rvt vto shìlòng vbòng nìgø kvm long màbòng rvt vzvnglvp bønlvm,búnglvm lòng gø mabòng we svng shàlun shìè. Ya dø íwe tvrà ri svng,Shangkà tānøng we gø vrvm lvpat taq gø yvnglún nøng nà íè..wvngkvmè. Tiqkvt cvmré angmè tiq gø nø gvtsìng dìnø nvmsìkí tiq chvng wvnlòngà chøm tuqlòng ì kvt angcè pè ni svng tāká ngeò nø zíò è.We kvt angcè vlat pè i nø, angmè mvdvm singaò we nø,oh! "Vmèí,nganínvm dvpvt vlún dvngtè shóngnønt nì ìwvrnàshì nø ìzí shì è wa dvdvmò nø Vmè jèjú svng oqa íwa nø shøn è.wekvt angmè ì dvbu nønt shøm lúnò nø angcè pè svng shvgunò è. We mèpvng angnvmpè vto shì we dang nø, "Angmèa.. pàrvt tiqkàce wa nø ìzí ngalò vm gø mvnè shìngè wa angmè svng shvngvt shìè.wekvt angmè! shøn we taq,"we dø īnì mèvm nì egwørò" vlò nø dvrøq dvzvr ò è.Yalòng svng eyànglòngò dvgvp nønt mvsøn kèní vto shìnø kvm we tvrà màbòng rvt ìwe svng yvng lún shiè. Wepà dø shvngømré mvshøl taq gø yvnglún shíè.kangpè Yesu í lvmboq (12)pè svng rvzvng yvngà, tévtvng lvmboqrì svng nøng maq ì vpø nø shvgun íè,shvríng íè.lvmboq(12)pè taq Yuda gø vbà è. Yuda svng gø kangpè Yesu i gó we Vto shì lún yvngà, we mvdam kangpè mèpvngcvnlvm rvt jèjú kønpaq gø lúnò we tiq pè gø íè.i we ang vto shìnø KVM we tvrà taq shaqcvm rvt kangpè svng gømsóng(30) lvp mì nvma:m yvngà. Wervt,Kangpè yesuò chvtchvng we tvrà taq màbá yàng. wemvdvm Anglvpat mvshøl gø mànvp dø cømyangí we svng shalún íè. Vrà nø,nøngmaq gø vrvm svng gø kangpè Yesu í gó we jèjú kønpaq lún ínø,A:ngshóngnønt ní chutchvng we rvsvngcerí washì lúnbø shà .we wa mvtaq kangpèò vyvngré Wang taq vbáì we jèjúkønpaq lún dèzvr bø shà. Wervt shvngømré kèní shvngvt dvtú we dvràrì,dvkvm we dvràrì svng tøptøp wa cvndvgøm nø kvmlvm gvzà Vchvt ngè. Vpø íwe Pèmè,nvmchvngmaq nøngmaq gø yudá ò kvm nønt lvpat pàdø íshà ninø kangpè Yesu ò chútchvng we jèjú nvng vsa:r lvm vl we svng dvdvm shvlàè. Wervt, kvm nønt tvrà taq jó dø døngmvn dø súnshilun lvm rvt vjúrøt we í pvlace nònggun lúshà ìwang dvshat mvyøngè. (Shvngká tāshì nøng we ,gø vrvm mvdvm Gvray yvngkèni mongzøl we jèjú lèqllún nøng.)