Miwa Mongdan Vsvng Dvcicerio Kvmnxnt Tvra

Kvmnxnt tvra angpvn pvn vl we taqkeni, Miwa Mong keni bungshi we, Miwa Dvcirio kvmnxnt tvra nvng singwe ie. Chinese religion wa we rvtx, Taoism nvng Confucianism nx, Miwa Mong keni bungshi we kvmnxnt tvra ie. We kvmnxnt tvra nx, Philosophy of life wa we, vsvng dvci nvng sing we dvdvmo kvmnxnt tvra ie. 

Taoism nvng Confucianism kvmnxnt tvra svng tvnuo Svra pe nx, Lao-Tzu txo pe ie. Nvmlvt yvng nx, we kvmnxntri svng religion wa we keni vtoo tvra mvvl. Me-pvng wa, Monggvn yvng vl we kvmnxnt tvra (Religion) ie wa nx vtoo ie. 

Taoisim nvng Confucianism nx, gvray angpvn pvn svng kvmshi we dvra ie. Muqlvng nvg Rvgaq svng nx, Yin and Yvng wa we gvrayri bvnli tiqra wa we keni bungshi we ie wa nx kvmshie. Galong, Nvm, Lvngare i we tvra nx, Yang ie wa nx vtooe. Vra nx, Dxlong, Rvgaqri nx Yin ie wa nx vtooe. 

Vra nx, mvgvm mvshvla weri nvng sing we pvlaceri nx, Kuei pvlace ie wa nx vtoo. Shvla we tvrari nvng sing we pvlaceri nx, Shen pvlace ie wa nx vtooe.