Shiqshanlvm rvt sha rà we rvtøri (10) dang

Shiqshanlvm rvt sha rà we rvtøri (10) dang svng dvtit dvlé mvyøng we taq,

(1) Vshang rvtø 5-7 nayì vdòng taq nø, zvyømè bvnlí wa rvtø írvt nø yøp èkúngshi we ò vti tiqkok vjadø aqā nø poqā dvshershì we taq gø manman di lúna rà e. (2) Vsháng rvtø7-9 nayì vdòng taqnø, poqkèchàng bvnlí wa rvtø í rvt,we rvtø taq vsháng vmpàlòng svng vjadø vm lúnà ràe. (3) Vsháng rvtø 11-1 nayì vdòng taqnø narøm bvnlí wa rvtø írvt vmpà vmdvngí tiqlàngce narshìlúnà rà e. (4) Dørøm rvtø,1-3 nayì vdòng taqnø zvyøceri bvnlí wa rvtø í nø,vlìshi we dvrèri svng paq nø hā;ng we vyáshilúnà ràe. (5) Dørøm rvtø3-5 nayì vdòng taq nø Sitøm bvnlí wa rvtø ínø,gòngvdòng kení mvga:m màshvlà we shvngbè svng dvsherò rvtø írvt, vti 1 Lida Kèní nvmlat aqpa:ngshì nø vti lòqlòq aqālún rà e. (6)Dørøm rvtø 5-7 nayì vdòng taq nø tvlré bvnlí wa rvtø ie.We rvtø taq, vti ezvrshi dvgvp zí nvng sing dø dvshershì we dang taq vyaqshi ràe. (7) Dørøm rvtø, 7-9 nayì vdòng nø narøm shapshvnvp bvnlí wa rvtø inø nøntpyo lvm,vhø'lvm (intertainment)jànglaqyàpvnceri yvngshilúnà ràe. (8) Dørøm rvtø 9-11 nayì vdòng taqnø vsvnggòng vshøm war í we,( Vgò tut,gòng tut,hí tut)rí tàsvng vzømvzvp we rvtø ie. (9) Dørøm rvtø 11-3(vsháng) rvtø høqnø mvshøn bvnlí wa rvtø írvt,Dørøm rvtø 11dam mvdvm pvnggrvt dø yøp mvdàq.vdèo mvshøn svng narshi lvm rvt rvtø zílúnà ràe. (10)Dørøm rvtø,11-1 (vsháng) vdòng nø svkí chàng bvnlí wa we rvtø íe. Vrà nø,Vshánglvp rvtø 3-5 nayì høq nø rvlshú bvnlí wa rvtø ínø Vshángrvtø 5 dam høq shvlà wace yøp lúnà rae....wa bamawkaq vshaqme kyinpyu ò mongkà taq kèní dvtit dvlé nø dvshàng shì we shangkà nø yàyvng narngòè. Shangkà tashì nøng we pèmè nvmchvng dvcicéri shvngbè svng oqa.