Wàshā Vm vyà shirà we (5) dang

Wàshā Vm vyà shirà we

(5) dang

Namsipvn taq làmongsi,shāpvn taq wàshā,kvnyúng pvn taq paqká wa kàshvbung vl dø tiq dvchá wàshā nø vsvngri nìvram vm we shāpvnri taq kèní shvlá vtvng tiq pvn gø íe.Wàshā nø vgò kení niqkòng høq shvngbè vmshvlà we íe.íni gø

vyáshilvm(5)dang vle.

(1) wàshvwi,

wàshvwi nø tvndvt

vbá we vmlvmpvnri kení nvmlat tiq taq vbáwe íe.Shiqshan we wàgò kení lúshì we wàshvwilòng nø téwa shvlà e.íwe,yóga vl nø Shi we,mvsher we wà kení lúshì we shvwiri nø shvré ràe.wàshvwi taq màsher we pvnri mvmè vbárvt gvzà nøndø gøtnvm ràe.mvnøn dø vgøtshaq lòngí nø gvzà shvrédvke we íe.

2017 nøng taq bíyvnvm mong nīgvrùsit wa tøò we vsvng poqā vdòng zvyøri tingvyaqshi we vsvng(9)gø svng yvngò dvgvp tiqmaq nø Shi nø,tiqmaq svng nø híwur tutnào we vlyvngì.yāri nø yóga vl we wàshāri kení lúnò nø shvwiri vmrvt íe wa svrawunrií mongceri svng vyàshilvm dvkvm yangà.

(2) wàmvshøn,wàmvshøn nø mvsher we pvnri vwvlònø bvnlí wa we shvrà íe.wàmvshøn taq gulvtstaqrō nvng tandvt gvzà vbáe.wewa mvtaq wàmvshøn taq mvsher pvnri,tvtduqtvt gvzà vbáè. we mvdvm bvttiriari rvt man dø èvm kvt kení nø mepvng poqā vdòng zvyøri ginzábøn shàò e.

ngànø Shiqshane wa nø wà mvshøn svng gvzà vmā mvdàq.

(3)wà rvshú,

wàrvshú yvng nø battiria nvng mvsherpvnri mvmè vbáe.rvshú nø shaq vhéshi we shvrà taq bvnlí wa rvt mvsherwe nvmbøngri svng nìvram cøpmò we shvrà gø íe.

Wervt vsvk Teri nvng yóga yvngkúng vlri kémvdaq vyáshi ràe.

(4)wàzvyø,

wàzvyø nø jøngjø'ng èshønò ninø, gvzà mvsherwe tiqshvrà gø íe.mvsherwe vmlvm pvnri nángò shvrà tiq yvng gø íe.Wervt, wàzvyø yvng neí mvyv'ngshi we battiria yóga gvzà vbá rvt wàzvyø svng gvzà nøn dø gøtnvm rà e.wàzvyø kení gòkyóga,ပန်ဂရိယpangvrìyà,mashøn svng shúímvchep we nvng gvzàshùwe yógari bøn shaò e.

(5)wà vgò mvzi,

vsngmvmè nø wàvgòmvzi shóng we íe. we mvdvm

vgòmvzi evmni nø nyanshvlaè wa shøn we vle.jøngjøng nì vgòmvzi evm nø nyanshvla we nø møì.wàvgòmvzi lòqlòq evm kvt,cvmréri taq gòngshú we,shvwi taq (ကိုလက်စထရော)Guzvtaqrō lòqnø nvrøm yóga bønsháòe.pawalvm wanì wàvgòmvzi taq  Vharaqdvt gvzà vbáe.

wàvgòmvzi 100 gvram

vlíshi zídvng 2500 gvram

Gulvtzvtaqrō vbárvt,

tiqni taq vsvng tiqgø yvng ràwe (အာဟာရ)vhāraq dvt mvdvm (8) dvtvngloq rvt shvré dvké we íe.

Wervt nø,wàshā shóngì we,vm:i we gøvrami wàshā svng vdùvbòng dø vm nø, shiqshan tvrà svng

gø cvndvgøm laqlúnni wvng nònggun zímvyønge.