Kvlangcvp vju vl dang

Kvlángcvp vjú vl dang

Kvlángcvp svng Indian ínø pennywort wa nø tøòe.kvlángcvprì svng 4 X 20 be mvrøng wàò yvng nvngngwàniqrì èzvng nø èka:tnò kvt nø gvzà shvlāe.Tiqbø nvng tiqbø nø 6 lemaq vsar nø shvlāe.Neciqlòng vbarvm løp ràe. Lømne dvgvp nø tií ni vrvm vdø:ràe.kvlángcvp nø múng dvngwa àngwvt 3 lòng wvtne. Angshí nø 2,7 chvng høq zvnge.waè. Vjú vl we dangri nø, (1) kvlángcvp svng angtìcut da:ngì kwátì mø-íni,kí pvn nvng nàshúò nø ni vrvm èaq kèní nònggwøn vle. (2) kvlángcvp lòng angtìcut dá:ngí Yenan nvng dvchacha nàshúò nø nàkønshì kèní nvmbøng àngchvng bvlúrì vmvnge. (3) kvlángcvp svng angshi dørdvng svmaq shvløm da:ngì gv'ng yvng èzáò nìnø cvmrérì vhorlong bāne. (4) shvwi shut we,si mvzi we, góng kē we, si taq.shvwi vbá we,ya dø í we vnarì nø kvlángcvp ti èaq lú:ngí bā:ne.wae. (5) kvlángcvp lòng Paqká dø èaqò ni gø shvwi tøng lòng bā:ne. Vrá nø, kvlángcvp àngshilòng yøp za:mí èleò kvt nø yøp byōe.