Cvmrérì svng vdip nø shvngøt ra ma? ma Ra ma?

Cvmrérì svng vdip nø shvngøt ra ma? ma Ra ma?

(1)Cvmrérì svng nadipmò nø shengø:ntnò kèní kadø bølong ma? wa we taq, Cvmrérì svng nadipmò nø shengøtnò nìnø nøntza longē. Vdè svng nadip dø dvgári svng gø vdip mvyø longē. angpè ni svng gø nøntza nø mv-wvmshìlong. (2) Ini kadø shøl rà e? wá we taq? Mà-shvlā long parvt mà-shvlā walòng svng mv-cingò.Angpe angmèmaq svng svrervt wa wá mv-daq wa dvda:mòe. We rvt kapa nø mà-shvlā,kadø èwá shì ni shvlāē.wa lòng svng pønā ràē.

(3) Angpènií cvmrérì svng vdipmò lòng nø vdèce svng Shóngshi rvt íe. Vrá,chøm bvnlì jvt-long dvgvp shvmná dvháshàìe,la:nò rvt íe. Nadipmò rvt cvmré-gø nø katálvm dvle mv-yàlap svng ci:ngo nø mà-shvla dø vpø we luqe. Nadipmò lòng nø vdè dvpvt gø mà-shvla. Cvmré svng mè-nadipmò lòng nø shvlá vtvng íè. Iwe,mà-dip mvdàq,vdip ra lòng ninø pàwalvm na svng vdipme, walòng vzvng pø:na ràe. Wekvt wurpàí rúngrà(nitit) zang 2,3 dvm gvzà mv-za dø vdip ràe. (4) Cvmrérì svng laqya kadø dvtan ràe?wa we taq, Cvmrérì svng Shóngshi we laqya dvtan lún ràe."Ka" gø Shóngshiwe "Ka" dvtan ràe. Shvla we tiqpvn wa bøò kvt ngàce nø mvdàq wanø shvgun ràe. Mvshølri shø:na nø kadø paqzí lushilvm tvrà pø:na ràē.kàshvgøprì gø pø:na ràe. Cvmrérì í shø:nò we Kàrì svng gø angmaqí nònggwøn lvlún bøò dø shvlā wa angpè,me maqí táā ràe,wanø cvmrérì dang paqzí zì we shvngkà taq kèní dvtit dvlé òē.