"Mvnlvgàsvp vjú vl we dang"

           "Mvnlvgàsvp vjú vl we dang"

"Mvnlvgàsvp vjú vl we dang" tiqdòngce Paqzí dvkøm nø dvshvng lvm íe. Vpø íwe pèmè vnvmchvngmaq Mvnlvgàsvp mì nø shà pvløngí kè rà dvgvp gvzà vjú zílún we, dvbvn lún we cì tiqpvn gø íe. Shà pvløngí nø Cvmré, shaqré, tegø',cvmgø' zidvng mà rvwing kèsháò we íe. Kè ra dvgvp gø yaqdøng Vsháng rvtø mà rvwing kèsháò rvt cì ròng kaq tiqdvshàqí dìlvm gø rvzaq we íe. Gvzà vl gø mvbyo nø dvsha rà we íe. Íni gø nønt dvshá mv-rà. Naò sun wáng taqø, mø-í nìnø Naò shvnvngø mvnlvgà shøngtøng tiqbø vl nìnø gvzà shvlae. Mvnlvgàsvp svmaqcè gòngrì (10) svp svng èrvtnò.We dv'ngí shvlá wā vtìí shvl nø tàq tiqchvngø èzàngò. Mak-kok vtì tiqkwin èzàngò nø dèdø'ò.

    Pàqdvng wàlòng dvt lúnshì nìnø vrvme. Dèdø' bøò we angtì lòng svng shvlá wā zit ràe. Bøbøløm angtì lòngí nø' vjòshì ràe. Shà mv-kè we íni gø vdè taqø shà pvløngí kè we dv'mà la vl ninø tiqlang màle mvnlvgàsvp angtìí nø' nàjòshì nìnø shà pvløngí kè we zā yvng yóga taqkèní vgám lún we íe. (Yalòng taq shvlaq mèzvngò nigø mv-rà .) Vpø íwe pèmè vnvmchvngmaq, àngdeò sun-wang rì taq gø shà pvlø'ng cì íwe mvnlvgàshøng pvn svng cì ku kvtshìlvm wàì, wvng Paqzí dvkøm nø nonggùn zí mvyøngè. Shvngbe svng oqā.