"Cvmrérì kaq vtíp we wá mvdaq "  

"Cvmrérì kaq vtíp we wá mvdaq "  
 

Vpø íwe pèmè vnvmchvngmaq, Mònggvn taq té vtv'ng Tikban Paqzí vdè Einstein  nø cvmrécè dvgvp Kà shøn mvsháshìyàng. Àng Lvpat (5) nøng jvn í lúngì dvgvpwā Kà shøn pvngshìyàngì, wàe.

Vrá tiqpè nø Mònggvn taq Nobel sùq lún yangàpè Cì dang nvng sing we Paqzí vdè tiqpè gø cvmrécè dvgvp zong vdán taqø gvzà v-nyaq rvt zø'm mvdvnggø' wànø Svra,svramaq rì taqkèní mvsvt we gø vhø'm yangà, wàe.

Vpø íwe vnvmchvngmaq,
Cvmrécèò Nyan zitnønt svng nø shaqrérì taqkèní dvdvm dak mv-lúnshì. Tiqkvt kvt vléshì bø'ì rì dang svng gø vrá tiqkvt dvdvm vdu we íe.

Àngdeò nønt svng mvcvnò rvt èwà nø Cvmré kaq nàdìpmō nìnø wè cvmrécèò àng Lvpat nø cø'msháòe, wàe.

Vrá nø,(5) nøng màhøm we cvmrécè tiqgø' svng mèpvng língshìlvm rvt wànø nàdipmò wē, àngmaqò Nyan Vgo mvsí taq nø vdìp ninø za è wà yv'ngkèní dvgá dø língshì lvm íe wàwe cíngrálnønt mà-vl. Àng taq svrē lòng taqkèní dvgá dø lúnò we pagø mà-vl, wàe.

Wervt (1) nøng taqkèní (13) nøng vdòng taq vl cvmrérì kaq shvngøt lvm rvt shárà we dang,

(1) 1 nøng taqkèní 5 nøng vdòng taq nø cvmrécè kaq lin lún ràe, wā dvkvme.
(2) 5 nøng kèní 10 nøng vdòng taq nø svrē dvkut nø gø shvngøt ràe, wā nø gø dvkvme.
(3) 10 nøng kèní 13 nøng vdòng taq nø lin gø lin nø svrē gø dvkut weí shvngøt dvtú ràē.
Wekvt wā mà-shvla, shvlaè walòng svng rvzvngshì lúnò e, wàe.
(4) 13 nøng vlēvm kvt nø vdìp we, lin we mø-í dø rvmnang dø shvngøt dvtú ràe, wànø dvkvme.

Wervt vpø íwe pèmè vnvmchvngmaq cvmrérì vzàng lap àngmaq lvpat taq, zidvng vháng vlún nø jór lún we lvpat svng vtoshì lúnlvm rvt àng vtong vl dø tiqdvchá angpè angmèmaq gø nønt yvnggúng wáshì nø cvmrécèrì kaq svng shvngøt dvtú laqlúni, wvng dvshvt Kà tiqyangce taqkèní nònggùn zi mvyøngè. Shvngbe svng oqā.