Dòng zøl rvtnø shiqshvn lvm dang svng zá dvzvr we vlmá?

Dòng zøl rvtnø shiqshvn lvm dang svng zá dvzvr we vlmá?

Chøm vrvm taq dòng zøl wawe pvn vlwe íe, ténø chøm sànsíng mvdá:ngò rvt nvm tuqtuq loqwe chøm rì taq

loq mvlòng vl shàwe íe. Vsvng tiqmaq nø dòng zøl svng yà:ngò kè svrè wedø vsvng té mvlòng nø dòng zøl

svng nøm shìwe íe. Chøm vdúng shvrà vrvm taq vl shànø vsvng kaq mvkewe mv-vlwe ínìgø bacteria vna

angmè rìsvng chøm vdúng taq góng dvzvr we vna angmè tiqpvn írvt dòng zøl taq kèní vna angmè nø vsvng

góng vdùng taq gvp dvzvr we angmè tiq pvn íe.
  

Dòng zøl angmè rìtaø salmonella, Staphylococcus rìdø íwe vna angmè rìsvng yvng lún shìwe ínø we vna angmè

rìnø poqwá zàwe poqwá vshòng we, gvn kèng vna, svyø búm vna, døíwe poqwá nvng sing we svyø taq vna bøn lvm

svng svrè ràe. We vna rì bøn dvzvr we mvdøng nø dòng zøl angmè rìnø vsv:ngí ámlvm ámpà rì mvdvm dìwe ámpa

rì mvdvm taq cìzi we nvng niq shaò we, rì taq kèní vsvng gúng vdùng svng dòng zøl taq kèní vná àngmè rì gòngra

we svng Shvdiq shì rawe íe. 
 

Dòng zøl rvtnø Vsv:ngí mvdømò we tiq pvn nø dat màbúng pvn svng bøn dvzvr we íe. Dòng zølò góng vdúng taq

vlwe angshøng, rìrvt madū we dat rì bøn shàe. Madu we dat rì kèní bøn we vná rìnø polvng taq mvshè weí mvsaq

nø zawe rì bønwe íe. We mvdvm gang jvt vna, vlwe vsvng rì nvng vsvk cvm we cvmrerì taq té mvlúng bøn shàwe íe. 
 

Shiqshvn lvm dang nvng singnø dòng zøl svng vyá shìrà we dvgá tiqpvn dang gø vlwe íe. Wedang nø dòng zøl svng

hø'í ervm bøà we ínìnø hø' svng dvshaqí shvr ràwe nvng dòng zøl svng høí rvm bøà we shvrà svng dvshaqí shvr ràe.

Hø'í nalvm bøà we dòng zøl svng dvshaqí gwl ràe.
 

Dòng zøl té mvlùng vl shàwe sharà rìnø chøm gó tùng, ámpà køk sing, taq, ki,kung rì gvrò we shvrà rì, mvsò lvgà bot

rì gvrò we shvrà ritaq té vlwe írvt,we shvrà rísvng Kadvgvp gø dvshvn dvshvr ràe.
 

We rvtnø Shòngshøng we pèmè vnvm vchvng maq ya dòng zøl rìnø chøm vdúng nvmtuq tuq íwe shvrà rì, dvgá vsvng

shiqshvn Lvm dang nvng sing we tvrã dang svng gø shvdiq shìrà we tiqpvn írvt vtè chøm taq dòng zøl mvvl Lvm lúnshì

dvng tè chøm shvnshvr we svng wa ràe. Dòng zøl rvtnø mvdvm taq shønshì dat màtu we rì ídaq nìnø Svrawòn rìsvng

dvtvn shvngøt shìnø cì, lvjvng shilvm waì wang dvtit dvle we ka íe.