" Rung lòng luqni nø shiqshàn tvrà svng zā sháòe mà?"

" Rung lòng luqni nø shiqshàn tvrà svng zā sháòe mà?" wàwe Kà vgo taqkèní dvtit tvle nø dvshvng mvyøngè.

Rung lòng luqni nø shiqshàn tvrà svng zá sháòe. Vrá nø Rung we luq lòngí gønshaq svng gø dvrósháò pàdø, rvtø vrvm rìp we, shò vngvtshì we rvtø luq lòngí nø gønshaq svng yang dvzvrlvm mvtúà we íe. Ni vrvm shò vngvtshì nø dì we mà-vl, rúngdv'ng ewà nìnø shiqshàn lvm dang taq gvzà zá sháòe.

Pàdang zá sháòe mà? wàni nø góng shù we, Juqzā we, shvwì vháng we, Nønt mvgùrlvm luq we, raqpù dvjù mvkàng we, nítit zā we, dønggóng lvp góng zā we, shing nònggùn mà-vl we, nvrøm yóga bøn we, Nønt mvsøn nònggùn yúm we, mung vná bø'n yor we, shvwì tvrà taqø zá yvng yv'nggúng bø'n sháò we yadø í rì bøn nø vhø'm sháshìe.

Wervt vpø' íwe vnvmchvngmaq, mvmè nàqdø me rung nì. Rung v-du we íni gø rung vtok dø wáshì nø rungà ràe. Vrá nø Dvjù v-kønà we gø wáshì ràe. Tvrà di we gø wá ràe. Tiqgóng shvngbe shò vngvtshì taqsórí nà, ngaò vl dvja lòng svng gø vkvtkèní língshì laqlúni, wvng dvshat nø nònggùn zí mvyøè.