Shòlaq kutchvng vlù vlàng èílúng kvt nà kaq vlømshì vsvng vl dø, shvngóshì we vsvng gø vl daqē. 

Shòlaq kutchvng vlù vlàng èílúng kvt nà kaq vlømshì vsvng vl dø, shvngóshì we vsvng gø vl daqē. 

Nà kaq shø'm we vsvng vl dø, pàti mvlvn we vsvng gø vl daqē. Íni gø yalòng nø bøn vdù we àng dvja tiqlòng íe.Nàí kadvngte shvla dø èwàò nigø, kadv'ngte ècìpshì nigø ètø'nshì taqsórì dezaqshi nigø, vsvng gø'vrvm svng nø nàí nøntshøm dø wá mè lúnò.
Wervt nø tiqdvr vsvngrìò shvrú:ng lòng svng shvzø'mà lúnlvm rvt nàò vzà:m lòng svng vtøp vna mè dèzá:rnì. 

 Nà nàtōshì we mvdvm taq nàí gár lún ràe. Nàí shá ra we nø vsvngrìò nònggup nø' mvdvmø nà nø kadvngte shèla nigø, mè shèla nigø mvdøng mø-í. Vsvng wàwe nø nē vbóngì nigø, yangì we taq màbòng. Vnā vjàì wè vbóngì íni gø, tá ì we taq màbòng. Nònggup nø' vbóngì we íni gø shøn ni we dang taq màbòng. Vgo mvci vbóngì we íni gø vyu vcaq vtōshì we vjvng vtong màbòngì. Vsvng shvdaq vbóngì we íni gø cúnshàì nø v-lì we dang taq màbòngì. 

Yadang rvt nà kadvngte mè daq we íni gø cíngrál lún we vsvng nvng nàhøm kvt wā, Nà kadvngte vpnóngshì we íni gø oqā wá sháshì we vsvng nvng nàhøm kvt wā, Nà kadvngte nønt nàdá we íni gø mv-rà mvzø:ngà we nønt mà-vl gø' nvng nà høm kvt wā, Nà kadvngte ècìpshì we íni gø vpø shvring shá we vsvng nvng nàhøm kvt wā mongzøl lòng vlē. 

Lvngdømø èsháòrì shvngbe svng gø me shø:nì yv'ngshì rì shvngbe svng gø me kvmnì nàí kàgø'kaq kadvngte èshóngò nø nàrá:mshì we íni gø àngde dvpvt gønshaq cúnshì lúnlvm rvt gø me nànánì.