Catholic noqngxm tvra

Catholic Liturgy Noqngøm Tvra taq, (A,B,C)wa nǿ(3) nøng gvranò nø mvsat nòwe dang shadvzvr mvyønge. Yàdø mvsat nòwenø,SHANSher we Gvray kvsang mongká (kágvp Angli nvng Angshvr) kárù bok svng vshøm nøng taq tiqboq dvhøm nø Sunshi we Gvray kvsang mongká taqkeni shvngømre gøvrvm pvlace nonggun lushi lvm,cvnshi lvm dvpvt shvngømré keni A. nøng B. nøng C. nøng wanø(3)nøng mvsat nowe svng røyáng zida keni gø yvnglun shie. We mvdvmø (1)nøng vdung, rvtø (5)long vwar shaq ie. (1)Adventdo,Dvgø shíwe rvtø-4 (2)X'mas season,Hkrismat rvtø-5 (3)Ordinary Tim,Angwa narni rvtø-34 (4)Lentenseason,Vmaq vnvtshí we rvtø-6 (5)(Easter)Yesu zuna:mi we rvtø(-6 wanø) rvtø(5)long vlwarshà íe. Anglvjøm nø, 1.(Advent)Dvgǿ shi we rvtø taq nø kagvp Angliban taq tuqdaq we Media svng nøntmvsøn Angshvr i vtoq lunlvm Esrael dvci ri kvmnønt keni dvgøshiyvng i. Ya dvng svng dvdvmnø Kvngpe Yesu gvlya:nga we X'smat angni svng Nøntmvsøn Angshvr washi nø kvmnønt ni vtoq shilunlvm dvgø shidvzvr we rvtø íè. 5.(Easter-8)Zunboy rvtø, Zunboy rvtø taqnø Kangpe Yesu shiyvng (3)ni wanitaq Zuna:mi mèpvng Shvngvt ni wani narni Kangpe Yesu nø ang coqcvnrí vjúrøt shinø mvngushi we rvtøvrvm Shansher we pvlace taqkeni lashinø mongzøl long zi ówe dvng,dvzvr ri mvdvmø angboqboq dvtvn shínø,dvkvm we mongkári, Yesu shi yvngkeni zuna:mi mepvng lvmboqri mvdvmø(40)ni,ya vl dvngi Yesu muqlang kaq vtvnga:mi we (pentecost)angnihøq dvkvmwe mongkári, Dvrari ,cvnsha iwe rvtø ie. Vránø, Ya zunboy rvtø inø,Yesu lvmboq ri Yuda cildu ri kaq shvrénø angmaq shøm vdungø mvngushi nø vjúrøt dvzaq shiwe i pvlace jørnonggun ku:ngnga lun shiyvng iwe rvtø gø ie. Yadang svng dvdvmnø denial vkøtwe (Covid 19)yóga zøngli keni lutshilunlvm rvt Shvngømre, mongdvn vsuyaq keni dvkvm dø tiqdvcha vdè nø vdechømyvng rvtøvrvm mvngu shinø vjúrøt shiwe i nonggun lusha i.(ngvm shiwe rvtø ri svng gø tuqdaq we lvban taq vra tashi lvm wai.)