Cvmareri mvlxt aq mv_daq

"Cvmàréri Mvløt aq mv-daq we dāng tiqdòngce dvtit dvle we dang" 

Vpøí we pèmè nvmchvngmaq Vdepvn dvcí vdòng taq nø kádvngte mà-vl we svng yvng lún shì rvt gvzà nønt shømlvm rà íe. Cvmàréri cvmré gong í rvtø taq Mvløt aq nìnø angce gø' (3,4) nøng høq lú:ngò nøngla kèní bán nā yinjvt wā pvn gvngjvt we bøn sháòe wa nø ,swedin móng dvtøp paqzí vlri í shø:nò we vlē. Swedin móng taq cvmré (21,000) gø svng gùn dvtøpmò dvgvp we rì taq kèní (735) gø nø angmè puqwārvm vl dvgvp Angmè mvløt aq yà:ngì we svng gùn lúnòē. Cvmrérì gvngjvt we nø angmè maq yvng kèní í we gùn lúnòē.

Vrá,Mvløt mvyø' kàdvngté svrē dvké ē wà we taq,

Vmerigvn móngdvn taq mvløt shøng shø:pmò rvt tiq nøng taq vsvng (42,000) vbì mun vní kíng gø shiè wàe. we dø shìri nø pà mv-sháò we cvmrece (900) gø dvngtè vbá we California rvgaq vlún zùng tiq lu:ngì dvtøpmò kè shalune. we dø shì we vsvngrií lún vdù we gvmsùngrì svng cū:nò dvgvp tiq gø rvt nø Dola 158,000 sømè wàe.wervt gøt dvhøm søm we gvmsùng nø tiq nøng taq Dola 6.6 wvn nøng vrvm søme wā cūn lúnò ē.wervt mvløt mà-aqri mvløt mvyø'í mà-dvshàlvm rvt mvløt shøng vngà rvtgaq kèní yilshi ràē . Vpø íwe Pèmè vnvmvchvngmaq vdècerì ò lvpat yàdø íwē yóga zønlì taq kèní lutshì lúnlvm rvt dvzaq shàì wvng paqzizì we shvngkà taq kèní dvtit dvlé ngò e.

.