Cvmrérì svng kadø shvngøt lvm

,Cvmrérì svng kadø shvngøt lvm wàwe Kà Vgò lvngpàng (18 ciq)taq kèní dvtit dvle lv'm íē. Laqí daq,

Vpøí we vnvmchvngmaq; (1) Ni vrvm minit 30 dv'ngte nvcèrì nvng dèmvn. (2) Chøm yv'ng vlnøng nigø vsháng dørøm toqtip shìràe. (3) Cvmré dvgvp kèní Shan Shanwa vllvm shèmu:nò. (4) Cvmrérì shøn Kà svng shòshò wace, shvlāwa táā ràe. Nønt sheyvngshì. Shóngnønt dèta:nò. (5) Cvmrérìí vlé yà:ngòrì svng buttut shøn mv-dàq. (6) Cvmrérìí tiqpvnpvn vlé bøò kvt tøptøpwa epø:nàò. Shengø:tnò. (7) Mvrshvm long shànshànwa nvnnvn èwashì. Nàhøshì. Nàhøshì lù:ngí nø cvmrérì nønt svng shup vnáng dvza:ròe. (8) Cvmrérì svng mvshøl èshø:nā daqò kvt nønt sheyvngshì. Vjú vl we mvshølrì wā èshø:nāò. (9) Vdè lvpat taq mv-bøn yv'ngrì dvgá gø svng gø, cvmrérì mvdvm gø mè-hapni.

(10) Cvmré gø vhánglvm tiqni tiqpvnpvn deda:mo. (11) Cvmrérì svng àngcì àngkàngmaq nvng rvtø yvnggúng gvl mà-daq. (12)Cvmrérì svng cvm dvgvp kèní vhøshì sháshì dø shèmu:no. (13) Cvmrérì svng Kà dvnkà vwawa dø zí mv-daq. Kà shvdiq èzí bøò kèní bøn høq wàā ràe. (14) shaqré nønt wā cvnshì mv-daq. (15) Dvgácèrì dø mè-í,wa nø kadvgvp gø dvgácèrì nvng shvbóng we kà shø:n mv-daq. (16) Cvmrérì svng shvla we bvnlì wà bøò kvt dvgúng èzíò. (17) Cvmrérì svng kadvgvp gø svrè dvkut mv-daq. (18) Cvmrérì svng Vsvng mvrdvngø ngvn mv-daq. Shvyøm mv-daq. Shvraqchaq mv-daq.... wanø Internet Shvngkà taq kèní dvtit dvle nø paqzizì we kàrūrì kèní Dvshvngshi we íē.