Dãlvm døíwe cìdøng rì wawe lega bok kení dvtut íe

Dãlvm døíwe cìdøng rì wawe lega bok kení dvtut íe

Nøngmaq nø záyvng zìqyvng wa vhøm nø súnshì lvm íe má? Vl mvyøè ma? Kagø gø zànø vl mvne shì we íe. Záyvng bvn lvm dvpvt nø kàgø ínìgø shóngshìe, nøtlúm shìe. Wedø írvt cìrúng mv-vl rvgaq yvng nø møngmaqò túng laqyà íwe vdvm zìí dvban nàìe wa svng vná lvm mvdaq we íe. Kadø írvt vdvm zìí kãdø íwe vna yóga risvng dvbvn lúnò we kaq svng tiq maqí nø mvshá shìwe íe. ( The Naw Holistic Herbal, p.8) wawe lega bok yáng yvng lún shìe.

                        Vsvng wawe pvn vrvm nø vnà yóga bøng daq ìke, zadaq ìke wa cìsvrà rìkaq svng dvtvn shì sháò we íe. Vde nø vdè mvzà lvm dvpvt mvgòt shìnø vl-lvm nø mvnè shì we mvdvm vná yóga mvbøng lvm dvpvt vgvlò we lòng svng gø vná shì sháò we íe. Bvnli wá mvngut daq høq zà lóng ìke wa cì sarawùn rì kaq svng dvtvn shì shá ìwa íe.

Vdèò gúng dvpvt shìqshvn lvm dvpvt nø vdèò bvnlì døngjá nì íe wa svng vná shìe. Cì lvjáng shiwe mvdvm nø vgvl shì lvm tvrà nø téwa vchvt lòng svng vsvng gø vrvm íshá ràe. Dãlvm dø íwe cìdøng rìnø vnà yóga rìsvng dvpvn nà lúnò wedø ( အစာလည်ဆေး၊ ဆေးလည်း အစားအစာ) v-m aq lvm gø cì, cì gøní v-m aq lvm wadø nì tiq dvchá man man v-m mà lvm waì. Wedø vmà nìnø we cì døng, cìrìng, cìlvp, cì vngké rìnø vdè nø vdèò shìqshvn lvm dvpvt Vjú vl lòng we íe. Paqzí vdè rìdø nì tiq dvchá wecì rìsvng v-mà nìnø vnà yóga shìnì mvbøngkení vgvmà we íe.

Dãlvm døíwe cìdøng rì dvpvt nø cìpaqzí vdè vsvng rì shvra taq kagø svng ínø gø dvle lvm mvlún shì we íe. Cìpaqzí vdè rì kaqsvng vná ìnø cìdøng rì kaqsvng wa lángì gvt paqzí mvshà we rìdø íbø shàwe íe. Ang tvrà dvng rì kaq svng yvngì: zàwe tiqlòng svng yvng daq òke, yóga gvzá luqwe kaqsvng yáng lún shìe. Wedø írvt vjú vlwe cìdøng, cìshí, cìlvp rìsvng vwawa dø láng mvdaq, CìSvrà wun rìkaq svng dvtvn tvngí zàwe vnà zìnlì yóga rìkaq svng ràdø vlke dvbvn lvm dvzaq shiì. Mepvng dvtut lvm vlle.