"Dèzaqshì-Shvdún shvrvm elàngò- mè dv-sømnì - èshøpshì.. yakà .. svrøng rà kè èshá lòngòe."

Døngku"Dèzaqshì-Shvdún shvrvm elàngò- mè dv-sømnì - èshøpshì.. yakà .. svrøng rà kè èshá lòngòe."

Vsvng tiq gø vnvp dø svrøng lvm nø nàrvmō we nīlā rvtø vl dvgvp dvrá we tvrà hwang kèní mà-zing dø bvnlì taq dvzaqshì nø zaqshøprì lā nø shøpshì èlúno kvt wā mèpvng nøntshøm nø dvbù lvm vl we íe. Cvmré lvpat taq zaqshøprì mà-vl wē mà-sháshì nigø svrøng ra kvt sháshì wē íe. Svrøng ra kvt wā èláò nø èshøpmō we zaqshøprì mà-vl nø nàrvmō we shòqlaqré lvpat rvtø taq nàzing yvngìrì svng mvrøt nø dvdvm we í bvnlì svng tiqkvt dvzaqshì mèyø wē íni gø lvpat svrøng wē írvt kàgøí gø dvzaqshì lvm rvt mvgo rà, mà-dvza:rà.

Mvrézā nø go we lādvng vl-ni gø, nøntuq nigø gongmvtuq wawe Kà vl dø tiqdvchà svrøng wē lvpat svng í bøì. Angcø angcerì kàgø iní gø vdè angpè angmèmaqò jèjúrì svng tiqkvt oqā wanø vtvngshì lúnlvmrvt rvzaqe. Àngmaq lvpat taq gø yaklvm angdangdang vl sháòe. Wervt cvmré dvgvp lāshì nø shøpshì we mà-vl nìnø Vsvng mvrdvngø mvr shaqcvmlvm, yvklvm , rvweng we vhøm weí vdèlvpat besháòe. Wervt Lvpat nàrvmō nīlā taq dèzaqshì, me-dvttishìni, dìngman dø èvl, nønt mè dègoqni. Bvnlì èwà, mè-nazingni, shvdún shvrvm elàngò..wekvt wa mèpvng svrøng rà kvt lvpat vnvp nø nøntshøm lvm, mongzøl lvm vlē.. wanø paqzizì we shvngkà taq kèní tiqdvtvng dvtit dvlé nø nònggwøn zí mvyøngè.