Dxngku vrvmi vdepvn Tonglaqya vpx shai

Dèni døngku mongzøl we lvmvng tiqyø taq nø vdepvn tonglaqya vhángvlúnlvm dang tiqdòngce dvtit dvlé lvm íē.

Vpøí we pèmè nvmchvngmaq,Nvmløp svngpvnrì vháng we tiqlòng nø , àngmaq vdèo tonglaqya svng nìvrvm ca:no rvt íē, wàe. Yaka svng dèdam longò dvgvp da lvm gø vl nàí e? Nøngmaqpvnkà taq "tonglaqya" waka dvda:mì? Tonglaqya wawe nø , darìo tonglaqyarì svng wawe wa mv-taq , dèni la ca:ni we laqyàrì shvngbè gø tonglaqya ni íwe íē. Nìvrvm cvnra we tonglaqya taq nìvrvm nøngmaq tiqgø nvng tiqgø pamvra wà we shvwéshì nø kàshø:nì we laqyàrì,vtop-vtip dvmvn íwe laqyàri , góng mvrshvm gvlshì we laqyàri , hí-wūr nvng góng vngvtshi we laqyàrì,vm aq we laqyàri,vdè chøm vdòng taq kadø dvcøp rvdashì ra we laqyàrì,nìvrvm cvnra we gónggwa laqyàri shvngbè vbá we íē.

Kàshvbóng ,nøngmaqpvnri vhøm ràí ke pamvra wà we shvwéshì kàrì kadø shøn lvm vtóng, angmaq dø chvk nøngmaq dvci gø vdáìē. Iwe,Vdú vnà vtoq-vtip kè íma? dvda:m shvlāe.Vm aq dang nvng sing dø cvnra we vm aq laqyàrì nvng vmlvm rvtø rì svng shvlá wá ca: nìe ma? Mø-i nì Wedang taq cvn lvm tonglaqya vdáìē ma? Vm la: ngí kadø gwashìlvm ,noqgú di daqke kadø gwashìlvm,vdè dvcidang boykùngrì taq kadø gwashìlvm wawe doqdvnshaq rvcì íwe gonggwá laqyàrì vdá íē ma? wanø, dvda:m shvlāe. Wervt Vpøí we pèmè nvmchvngmaq Nvmløp svngpvnrì vháng we tonglaqyarì svng dvda:m nø, nøngmaq vdòng, døngku vdòng taq mv-vl lòng lavl lòngdø dvgu shàì nø vdepvn (culture) tonglaqya, vháng vlúnlvm rvt dvzaq shàì wvng tiqdongce dvmvn nø nònggùn zi mvyøngè shvngbèí Gvray mongzøl long lelun nøng.