Gvmsung mvkong shai

Gvmsùng mvkōngshàì

Vpøí we pèmè nvmchvngmaq rvsvngcéri gø vrvm nø té lòngì weò bvnlì wa íe. Bvnlì nø tiqnar taq 6 ni wàlvm gvlyvngà dø tiqdvchà bvnlì wa we gøvrvm taq nø Gvmsùng gòng we íē.Tiqgø yv'ng nø té gòng nø tiqgø yvng nø cvm gong we vlè.Íwe,Té gòng gø yv'ng nø té bē nø cvm gòng gø yv'ng nø cvm ni bé we svng yvnglúnshìè.yà dang nø bvnlì wa lòng taq di we íe. Bvnlì taq,Tiqgø ínigø tiqrvp ínigø gòng we nvng lvngshì we Gvmsùng svng cūn sháràe. Gòng rà we Gvmsùng svng shvlá dang wā lvngshì shá lvm gvzà Vchvk we íe. Gòng we nvng lvnglvm Budget gø cun ràe.shvlá wa nàra:ngò budget tiqlòng nø Gvmsùng nvng lúnshì we wa mvtaq tiqdvciq dvpvt shvla dø, vl-shvla longe. Wervt vdè yvng gòng we Gvmsùng lòng svng zøm lún lvm shvlá vtvng tiqlòng nø Gvmsùng mvkōng shìlòng íē. Gvmsùng mvkōng shì we taq tiqgø nvng tiqgø nø mà-bóng. Kadø ínigø vdèí èlú:nò we Gvmsùng yvngkèní 10,20% zvng wa bān(bank) svng Di nø shøpshì ràē.Vdè taq Mvzā ngvm we Gvmsùng lòngí nø dìlvm,vmlvm,gwashìlvm,lvnglvm yv'ng luqkéò høq lv'ngshì sháràe, wàē. Weni weni lávm rì nø weni elú:no yv'ng kèní cvmaq cvmaq nvngshì ràe.Kàshvdún tiqni 5000 lvp èlú:nò kèni 500 mø-íni,1000 lvp nø nvngshì ràe.wae. Gø vrvm nø Gvmsùng rà we wa íe. Gvmsúng mà-rà we vsvng nø tiqgø gø mà-vl.Shiqshan dang, paqzí dang,dàbvngkèlvm dang taq Gvmsùng ràe. Wedø rà rā dvgvpí cancan lú shvla we nø mèkù:ngò we Gvmsùng kèni wa lv'ng lúnshì ē. Wervt, gø vrvm bvnlí waī. gvmsvng mvkōng shàī.. wa nø paqzí vdèrìò núnggwønzi Shvngkà taq kèni dvtit dvlé we yàyvng naròe.

Chat conversation end

Type a message...