Gvray Angme Mari Svng Shvgun We Tvra

Mari Svng Shvgun Nx Vjurxt We Rosary Shvlá

Muqlàng dvzv́r gǿ nø Mari v̄l yv́ng gòngá:mì nø ang svng, “Jejú vtv̄ng èlú:nò mè nà, pàmvrà! Vkàngpè nø nà nvng tiqdø v̄le,"vlo e.(Luka 1;28) English Ka pvní "Hail,Full of grace"wa nx Gvray muqlàng dvzvr Gabriela í Mari kaq shvgun we tvra yvnglún shíè.Mary wa Ka nx pásharíí zíí we bxng íe.Kagvp anglítaq Gvray í Mari svng "woman" "jømyó vjøngmè" wa bxng zí yvngà.kagvp Angshvr ban taq gø Mari kaq svng Mary màvlò "woman"wa tø yvnga we svng shalún shíè.English kaí "woman"wa Ka nx jømyòmè" wa Ka íe.Gvray muqlàng dvzvr ínx Mari kaq "full of grace"(I shøt lún mè)wa shvgun yvnga we svng shalún shíe. Muqlàng dvzvr ínø Gvray Ka svng dvtit tvléó we íe.we rvt nx muqlàng dvzvr shøn Ka nx Gvray shøn Ka niíè.Gvray i nx Mari svng pàrvt "I shøt lún mè"vl yvnga ma?wa shøn lvm,dvdvm lvm vlé? 1.Yesu angmè Mari nx Gvray kasvngí laksan rvsvng yvnga we vsvng tiq mè íe. 2.Mari taq shiwvt mvrà mvl. 3.Mari nvng Gvray kasang kadvgvp gø tiq dø vle. 1.Kagvp Angli ban taq Adam dvpvt Ewa bxngzío nø angdvpvt døngkø mè pan ya:nga.Gvray kasang í Abram svng "Abraham",Yaku svng "Israel",Simon svng "Piter",Shawlu svng "Polo"wa nø bxngzíó we í angò Vsvng wa tø yvnga we dang shalún shíè.We pàdø, Mari kaq svng gø "I shøt lún mè"wa chutchvng we bvnli tvrà taq jorlún lvm dvpvt lvngyvnga we svng shálún shiè.We rvt nø, Mari nx angwaVsvng dø møía:mí.Ang nø i shøt lún we Gvray angmè ía:mi we íe. 2.Catholic shvngømré í Mari kaq shvgun Shi we tvrà nø Mari taq shiwvt mvrà mvl rvt íe.Mongka nx SHANSher we Vsvng í lvm rvt, svngzàce dí lvm shvrà nx SHANSher rà we íe.We rvt nø Gvray kasang ínø nvmlat kení Mari svng laksan tiqnvmshá rvzvngyanga we svng sha lún shíè.Mari angmè St.Anna poqā vdòng kení shíwvt mvrà màvl dø shøq yvnga we svng gø shalún shíe.we wa mvtaq Anglvpat shvngbé Sher dø angcè pè Yesu hkristuò chutchvng we dvbu shangbvnli tvra taq a:pnóng shìnø dvzøm shìyvngì. Tiq maq nø, "Mari nx Yesu shøq lvm rvt wa Gvray ì ang svng làngò e,Yesu gvl bøa mèpvng ang nø (yumvyá)Angwa svmaré tiq mè dø wa íe"wa i nø shøn shaíe.dvdvm sha íe. Yadang....Gvray kaq kvmi we rvzvngce gø vrvm Gvray dvka:mka shvngbé svng vpø ínø kvmi rì wa íshaè.gvray dvkvm Ka rí nø kadvgvp gø malíng màpo ngangdønge.Gvray i nø Mari ò vdòng nønt mvsøn shvngbé svng yvnglúno dø tiqdvchà ang svng "jèjú nvng tvnzøng mè"wa bøng zí yvnga. We rvt SHANSher we Mari nø Yesu shiní mvshøqo rvtø,shøq bøa rvtø,làngdøm muqlàng svng vtvnga:mi nø dvciq lvpat gønshaq lún bøa we Gvray angmè íe."jèjú"wa Ka nø Gvra gasang dvrá mongka ri svng cvndvgøm nø Sher we nønt mvsøn laqya rí kení sun shí lúno ri shvngbè svng Gvray í zíó we kønpaq íe. 3.Mari nvng Gvray nø kadvgvp gø tiqdø vle.Nøng maq shvngbéo Lvngdøm angni mvnggá nø,Gvray vdòng taq dvciq lvpat gønsha lún lvm long íe.Mari nø nøngmaq rvzvngce rí nvng màbu:ng dø tiqshing vl nø tiqban mèpvng tiqban rvtø vrvm Gvray ngór dvgúng kømla dvtvno nø Gvray nvng tiq dø vlúno me gø íe.We rvt Gvray angmè Mari svng vpø shvríng nø shvgun i we dang ie. Nøngmaq gø, Gvray angmè Mariò kvmnønt lvpat taq keni shvbúng shvmat shaí nø kvmnønt tvrà taq døngmvn dø,Sher dø, cvnsha i nø pvlace nónggun lúsha ì wvng nónggun zí mvyønge.