Gvrayi zi we lvpat

"Gvrayí zì we lvpat"wa we Kà Vgò taq kèni oqá wa ra we dang vrashimvyøè. Tiqkvt,Vda mvgvm tiqpè nø"ang mvshér bóng taq nìvram di ra nø tøvm we dvshà hoq vsvng tiqgø svng yvngò nø, ngà vkvtdø dvshà hoq mà-øngà rvt Gvray jèjú svng oqa.wvngnø shvgunoe wae. Vrá (2) pè wa pèí we,Dvshà hoq pè í,Bvlaq mà-dá ukaq yakaq vgwvn shi we dvru tiqpè svng yvngò dvgvpí, ngà vkvtdø dvru mà-ønga we Gvray jèjú íe wa nø Gvray gvsang kaq shvgun nø shø:ne. (3)wa pè Dvru pèí, ang dì we tvrà taq zá vsvng dòo we Modo tiqchvng yvng bøā kè aww.. ngaí záyvng mà-hømo rvt Gvray jèjú íe wa shvgunò e. (4) wa pè,Cirong taq zá pèí,gārìí shì vsvng tiqgø shvrbøā we svng yvnglún bøā kè,aww.. ngà vkvtdø Cunshi lúnò we, mvshøng we nø Gvrayí dèpvng rvt íe wa Gvray jèjú svng shvríngòe wae . Vpø íwe Pèmè nvmchvngmaq Shøn mvyø we taq lvpat wa we nø Pà svng wàe? Lvpat taq,Vshøm dang svng dvdvm shvla e.(1) Cì róng (2) túng (3) dvkàm rì íe. (1)Cìrong yvngø Shiqshàn lvm lòng taq kèni, dvgá døvnvp nø rìng lòng pagø mà-vl we svng shálún shìe. (2)Túng, vdòngø Vsvng tiqgø ò shanglut vkoq vkvng dvpø lòng svng shálún shìe. (3)Dvkvm, yvngø lvpat taq dìngngvng we nø pagø mà-vl wa lòng svng shálún shìe. Paqzí vdèrìí vrùò nø shø:n we taq dèni nàí elàngò we rvgaq vbá nø nvpní naò rvgung íe wàe. (Gvray Mongkà NLNP 3:19 ) Vsvng nø vbá kèni emvn yvng shà dø tiqdvchà vbá svng vtvnglvm Gvrayí dekvm yvngsha. (Yohan 6:32-59) taq ngà nø muqlvng kèni døngdaq ngà we dvciq lvpat gønshaq muq øngà e wae.Wervt mvdvmø dvtvnshi bøí dang svng gø dvdvm nø,cunshai we lvpat taq téwa Gvray shóngnønt Dvrá vdòngø dìngman dø,Sher dø kvmnønt, shóngnøntni svkse wà shaí nø dvciq lvpat pvlace nònggun lùshì laqlúnì wvng dvmvn we Mongkà nø yàyvng narò e.