Kvmnxnt tvra nvng Tongking

Kvmnxnt tvra nvng Tong Laqya

Tong laqya vmvng we keni nx, vsvng dvci gx vmvng we long ie.

Vde Tong Laqya kaq vpxo we tvra mxvl keni nx, Wvngza rio Tong Laqya kaq wa vbxo nx, vdepvn dvci nx wvng zari vdong yvng vmvng shashie. Kashvbung keni, - Kaq shxn weri mxvl rvtx, - Lega shao ri mxvl rvtx - Vde Tong Laqya svng Vpx we nxnt, Shvring we tvra yxmwe rvtx - Tiqdvci nvng tiqdvci kaq tvle we, shvngxtno we tvra mxvl we rvtx, vde Tong Laqya vmvng shashie.

Tong Laqya wanx vhvnglvm tvra wa ie, vmvnglvm tvra mxi

Vlevmmi we rvtx txq nxngmaqo vkop vkvngrii kvt yvngnga, shvzxng yvngngari kaq tewa vhvng dx, vnvp dx wa rae. Kashvgxp 22: 28 yvng, "Nvkop nvkangmaqi kvt yanga we, Dvri rvgaq Dvrxt svng gx me-nacilni". Vlevmmi we rvtx, paqzi vhvng we, mvloq we ini gx Tong Laqya vl dx, luno dx dvzaqshi we tidvcha, Paqzi cvnshi we yarvtx yvng kvmnxnt tvra, Mongka taqkeni Tong Laqya tewa vnvp dx shvzxng rae.

Kvmnxnt tvra nvng Tong Laqya nx tiqra cunshi we long ie, Tiqme nvng tiqme vgvm we tvra, ma-bung we tvra mvvl

Shvnsher Karuri kaq, vzvng nvmlvt nx Aramite, Hebrew, Greek, Latin karii ka yvng nga. Lvchum ri, Kari, Angpvn pvn kaq vdepvn dvcii singo dx, shao tvrari kaq lvngo nx ka yvng nga we ie. AD 1500 Me pvng, Vsvngpvn dvci shvngbei, vde vde ka taqkeni gao svng yvnglun shie. Gvray kaq vdepvn Tong Laqya keni lao long, Vzvng Israela Dvci yvng, Gvray nx, Koqkvm ie, Jornonggon vlpe ie, Mvno pe ie, Palv ie, Vhvng Vtvng pe ie wa ri svng, Juda vsvng rii singo, shao Tong Laqya keni shvngxt yvngnga.

Gvray gx, Vsvng Dvcio Tong

Laqya keni dvtvno tvra washi we long ie.Wervtnx Vsvng Dvcio Tong King Laqya shvmvngo tvra nx, Gvrayi mvno we tvra kaq shvmvngo long ie. Pvwalvm wanx, Vsvng Dvci Tiqmeo Tong Laqya nx Gvrayi mvno we jeju gxnpaq long ie.

Vzvng Missionary washi weri keni tiqwan nx, Vsvng Dvcio Tong king Laqya ri kaq shvmvngo nx Gvray mongkaq shvngxt yvnga ri vlwe svng gx yvng lunshie. We ri rvtnx, 60/ 70 nxng tvngte Tong Laqya cvn we, vbx we tvra yvng gvza nonggwon yxm we svng yvnglun shiwe ie. Yakvt Paqzi vhvng we dvci yvng, Vsvng Dvcirio Tong Laqya kaq vbxo rvtx, Tiqwan i nx, Vde Tong kaq mvshao tvrari gvza vl we svng yvnglun shie.

Ya rvtx, Paqzi vhvng we dvci yvng, Collegde, တကၠသိုလ္, ri yvng vhvng we Master, Doctor ဘြဲ႕ ri lushi rawe rvtx, Vsvng Dvci mvshxr nvng sing we, Ka nvng sing we, Tong King Laqya nvng singwe paqzi ri cvn ra we rvtx, Tong Laqya svng vbxo we, dvtvno we tvra mvvl keni nx, sxm shashie.

Vsvng Dvci tiqmeo Tong King Laqya nx, Kvmnxnt tvra nvng vgvm we long, mxvl nx Mongka nvng, Nxngmaq nvng tiqra cunshi we ie wa long svng dvmvn mvyxnge.