Kvmnxnt tvra nvng Tongking Laqya

Kvmnxnt tvra nvng Tongking Laqyao mvngushi we long nx, gvza vnvp we long ie. 

Tongking Laqya wawe rvtx kadvgvp madvgvp vpx rawe long ie. Pawalvm wani, Tongking wawe rvtx vrvm yvng lvchum vl rvt ie. 

Vranx, Tongking Laqya wa we long nx, Gvray dvgong shvgonlvm dvpvt nvng Gvray taqkeni mongzxl jeju lunlvm dvpvt ie. Vde bxngtelvm mxi. Wedx tiqdvcha, Tongking Laqya nx, Vsvng Dvci tiqmeo mvshxl svng dvtvno long gx ie. 

Tongking Laqya wa we rvtx, mvra ma-le lvm gx vyashi rae. Vzvng mvnoqshi we rvtx yvng, Tongking Laqya wa we rvtx, vm aq shvle we taqkeni mvra gx vle shao tvra vle. Noqshi we rvtx mepvng nx, Tongking laqwa keni Vsvng dvciceri tiqnxnt tiqmvng vl we long nvng ishxt igvn i we long svng vtolun lvm dvpvt gx ie.