Kvmnxnt tvra nvng Tongking Laqyao vnvp we long

Vsvng dvci vrvm yvng vnvp vtvng we Tongking Laqyari vle. Vsvng tiqgx nx vdeo Tongking Laqya vtong yvng gvlo nx cunshi we, vhvng we tvra ie.

Vsvng dvci vrvm yvng gx mabung we Tong Laqyari vle. Tiqwvn nx vdeo angpe angme, vkop vkvng ri kaq vpxo we tong layqya, Zigong, Shxngtxng, Ti, Nvm ri angpvn pvn svng shvringo we tong laqya ri gx vle.

Vm aq we tvrari, wawe bvnliri, shxno we kari angpvn pvn vle. Yesu Vkvng pe Gvray gx, Judah vsvng rio tong laqya vdongx gvlo nx vhvng we tvra vle. Vranx Jesu Gvrayi nx Judah vsvngrio tong svng shvmvngo we tvra gx mvwa yvngnga. Tong Laqya nx vsvng dvci tiqme nx kadx ie ri iema wawe svng dvtvno long gx ie.

Vdei wawe bvnli, gwvr we pelaqri, shxno we kari, lvngo we dvreri angpvn pvn keni shalun shie. Tongking shvmvngo tvra nx Vsvng dvci shvmvngo bvnli ie.