Lega(Kàru) rø ràe

Mongzøl we døngku tiyø taq Lega(Kàru) rø ràe..wawe kà vgò taq kení dvtit dvlé mvyøng we taq,

Kàru nø vdè Kà eshøn lòng ma-táò zang taq vdè kadø eshøn ninø wedø dvgá tiqgøí lvtá bøò dø wàò we tiqpvn íe.Vrúm kaq svng kà ela:pmò ninø dvtut vle bøò wegø vl sháòe. Dvhø yvng ígø svng gø shvràlvm gø í sháóe,bøn sháó e.Wervt karuí nàruò nìnø vdè shøn mèyø lòng zvng wa røò gøí gø shalú:no e. kàru rø Vsvng nø vháng vlú:ne wa shøn Ka vl dø tiqdvchà SHANSher kàru nø rvmnvng dø dvdut ràe.pawálvm wanì shansherkaru nø døngmane,mà-vyà kàciq vle.we mvdvm dvgá paqzizì we kàruri gø mvmè rø lúnlvm rvt nùnggwøn lùshì ràe. Kàru vrù, svrapè Bi mu niní nø,"Vsvng kaq nønt mvsø:ní ø:pmòe.vgo mvci kaq knowledge ø:pmòe.knowledge Lúnlv'm rvt nø legà rø ràe", wae. Wervt lega rø we taq gø dvzaq Shi laqlú:nì: lega (kàru)rø we í lúnshì we jèjúri nø: (1)mà-shvla we ídvng te svng vyáshì lúnshìe. (2)nønt laqyà dvcøp shìlonge. (3) dvdvm nønt nvng daknønt té shvla lònge. (4)vdè svng vlømshì nønt té vlonge. (5)rvmnvng shvla luqlong nø vrv'm vrá sháshì Vsvng ílonge. (6)rvmnvng shvla rvzvngshì shá lu:ngò e. (7)kàshøn we nvng kàru vrú we taq tubùm we lún lú:ngòe. (8)Vsvng kaq dvpvng neshì we,oqá wa nønt vl lòng nø' nvng rvgøt we laqyàri gwør lú:ngòe. (9)Bvnlí svng sháò nø,shølshú shvla ílonge. (10)vjú vl we kàrì lv'ng shá lòngòe..wa paqzi vdèriò núnggwønzi we shvngkà taq kení dvtit dvlé shíwe íe.

Add new comment

2 + 3 =