Lvpat taq vháng vlún mvyø ni nø rvtø zí nø leka rø lvm ra we íe.

Lvpat taq vháng vlún mvyø ni nø rvtø zí nø leka rø lvm ra we íe.

Nang lvpat taq byō mvyø ninø cvn shì ra we (7)dang vle.

(1) Naò vle á:mi we rvtø longí Mòngzøl long svng èlu shì. Wekvt naò vle vmi rvtø longí Naò vkvt rvtø svng vgám we mà-vl long. Vsvng Mvme Nøtyul we dang nø vle á mi we rvtø svng dvdamò rvt íè. Vle vmi rvtø taq kvrat cøma:vmi rì nøt dvshà lvm rì svng tiqkvt dvdamō rvt nøt yul we íè. Wervt vkvt keni pàngshì nø vle vmi we rvtø mòngzøl long lun shì nø vkvt ewàò we bvnli rì shàlá vtvng èwaò. (2) Dagá vsvng rì Nà dang kadø dvdam me wa long nø na bvnli mø-í. Dvgá vsvng í vde svng kadø èlvnē wa long dvdamō nigø nønt cvm dvzvrè. Pagø mawá shàq" Nga í yàlòng wvngò kénì vsvng í kadø shøng daq má wanø dvdam shì we gø nønt mvjor dvzvrē. Na ì wá vdu long svng wá lun høq dezaq degvngshì.vsvng í serke we Shvnring we nø na bvnli mø-í. Na ò bvnli nø naí èwaò lòng wá ngøt høq dvzaq shìlvm lòng íè. (3)Rvtø ínø pvn vrvm shvngbe svng bøn dvzvrē. Rvtø eziò. Shvlá vtvng shønshú nø rvtø íè.Tiqmaq bvnli svng nø rvtø zí lún ràe. Vkvt wá shì long vkvt mvbøn.Rvtø tiq long zíshì kvt wa bøn daqe. Wervt rvtø zí vdu lòng svng rvtø zí lún ràe . (4) Nà Lvpvt svng tiqdál vsvng lvpat nvng mèshē bóngshì ni. Vsvng kaq gø mvzel shìni. Na nø mònggvn taq kagø nvng gø mvbun we vsvng èí rvt kagø nvng gø shèbun we mewá shì ni. Vsvng kagø mvzel shì ni. Kadø íè wani Angmaqò lvpat tvnùng mvnggá nø naí meshá ò. (5)Dvdam mena léshì ni. Pvn vram Shvngbeò lvjøm svng shá mvra. Shvla dø dvdam yáng lúnlvm vchvk nge. Tiqmaq nø chávle dvdam sháòè.Shvngbeò lvjøm svng shá mvrø e. Ang mvtuqrì rvt nø nønt bá sháòe. Pvn vram shvngbe ang lvjøm shvngbe svng shá mv-ra. Rvgaq tøm ø nàtaq kàpa bøne wa lòng mà-chvk. Nàí we rì svng kadø vtan lvm íè wa lòng wa vchvk nge. (6)Nàò Mòngzøl lvm dvpvt na taq keni dvgá tiqgø ma-vl. Na ò mòngzøl lvm dvpvt dvgá tiq gø svng bvnli døngja mèzi ni. Angmaq ma-vl ninø nà nønt shømlvm ma-vl lòng . Nà nø na lvpvt svng øpkvng angkáng èíè. (7)Nahø shì Rvgaq ya chang nø bvnchvt rì wa møì.mvdøng we nvpni dvpvt nønt mvgør lvm tvle nø nàí èlúnò rvtø taq nønt byō dø evl.

Add new comment

2 + 1 =