Mònggang taq vlē v-mi we nønglá vdá vtvng bòlóng 10 mvdò dāng

"Mònggang taq vlē v-mi we nønglá vdá vtvng bòlóng 10 mvdò dāng"

Mònggang taq vlē v-mi we nønglá vdá vtvng bòlóng 10 mvdò dāng tiqdòngce dvshàng lvm íe. Mònggang taq vdá vtvng bolóng mvdò nø Spain móng kèní Real Madrid íe, wanø Forbes maggvziní dvkāngò we svng yvnglún shìe. Yamvdo nø American dollar 3,400 wàn vdáe, wàe. Mònggāng taq vdá vtvng bolóng mvdò (10) vl yvng kèní (5) mvdò nø England móngdvn kèní íe, wàe. Werì nø Manchesta United, Manchesta city, Liverpool, Asenal, nvng Chelsea íe, wàe. Bøngshvng we Manchesta United mvdò nø (3) yvng rip nø American dollar wàn 2800 vdáe, wàe.

Vrá nø,Mònggang taq vdá vtvng bolóng 10 mvdò nø, (1) Real Madrid -Spain-$ 3440 wàn (2) Bacelona- Spain-$ 2300 wàn (3) Manchesta United- Eng land-$ 2810 wàn (4) Biyan munit-Germany- $ 2850 wàn (5) Asenal -England-$ 1330 wàn (6) chelsea-England-$ 868 wàn (7) Manchesta city- England-$ 863 wàn (8) AC Milan-Italy-$ 856 wàn (9) Uwintas- Italy-$ 850 wàn (10) Liverpool-England-$ 691 wàn vdáe, wàe. Yadang svng èyv'ng longò dvgvp mònggang taq mvdò ku vdá mvgàm pàdø tiqgø Ku mvdàq nø vdá mvgàm we bolóng lvnglirì gø mvmè vl-we svng shálún shìe. Wervt vdèpvn dvcírí taq kèní gø bolóng taq nønt lūm nø mvdàq we, vháng vlúnlvm we,vdá mvgàm we bú:ng lúnlvmrvt gø vjúrøt dvpvngì.