Mongzxl long nvng Dvsha Mvre i weri

Mongzxl nvng Dvshamvre iwe vsvngri

Mongzxl long nx vsvng gxvrvm dvpvt ie. Vdari, madari, dvsha mvre ire, cvmre, zilangre nvng shaqre shaqtvng shvngbei shongshi we long ie.

Rvgaq vrvm Mongdan ri svng yvng we rvtx, dvsha mvre iwe vsvng ri nx tewa luqwe svng yvnglun shie. Vde Min Mongdan yvng gx, Dvsha mvre i we vsvng ri 75% dvngte vl we svng shalun shie.

Dvsha mvre iwe ri yvng, vmlvm, aqlvm mada ri, vlra madari, pvqzi cvnshi we tvra yvng dvshari, IDPs ri yvng vlri, mvjvn nvng mvdvra we bvnli rvt dvsha weri angpvnpvn vlwe svng yvnglun shie. Dxngmvn we mongzxl wa nx, Dvsha mvre i we vsvng vrvm svng vpx we rvtx wa lunshie.

Shvnsher Karu yvng Yesui shxngno nx, "Cvm vtvng we vsvng kaq wao long nx Nga kaq wao ie", wa nx shxno. Mongdan tiqme, Shvngxmre tiqme, Vsvng dvci tiqmeo dvra ri, bolvci ri, wao bvnliri shvngbe nx dvsha mvre iwe vsvngri kaq vpxo rvtx mvjvn nvng mvdvra we dvrari mvvl nx mongzxl lunshie.

Vra nx, dvrari, bolvciri nvng bvnliri shvngbe mvdvm vsvng nx tewa vpxe wa nx vtoo rvtx mongzxl we jeju lunshie. We long svng social justice, Dvbu Shvng Mongka lvjum wa nx gx vto lunshi we ie.