Mongzxl long nvng Me zvngo long

Mongdan tiqme vdong yvng, dxngmvn we mongzxl lunshi lvm dvpvt vgo washiri yvng gx tewa dawun vle. Shvla we Mongdan vgo tiqgx lunshi we tvra nx, ishxt igvn ie.

Shvla we Mongdan vgo washiri nx, mongzxl we, dxngmvn we, dvra we tvrari kaq shongshi we vsvng gx ie. Mongdan vsvngri kaq shongshi nx vpx we nxnt keni bvnli wae. We dx iwe vsvngi xpmo Mongdan nx mongzxl vle. 

Wervt nx, Mongdan vgo washi lvm vsvng tiqgx rvsvngo rvtx, vdepvn deci, vdepvn tongking laqya kaq vpxo we vsvng, kvmnxnt tvra vl we vsvng, mvshxl shvla we, mvshxl vl we vsvngri kaq rvsvngo nx me zvng rae.

Partyo policy gx shvla we dx tiqdvcha, vsvng gx shvla rae. Vde Mongdan, vdepvn vsvng kaqgx shongshi we vsvng i rae. We dx, vdei rvsvngo nx me zvngo ini nx mongzxl we tvra svng tewa lunshi dae.