Mongzxl long nvng Tiqnxnt Tiqmvng

Dxngmvn we Nxnt Nvrxm Mongzxl nx Nxngmaqi dvgari svng mvra chutno rvtx, vdeo shongnxnt nvng mvreza nxnt dvtvn luno rvtx yvng lunshie. Vsvng nx tiqgx wa cunshi mvdaq nx dvgari nvng vra cunshi ra weri ie.

Tiqnxnt Tiqmvng wa we rvtx taq, nxnt nvrxm, pvlace nvng nonggwon shvngbe vba we svng dvdvm lunshie. Dvgari svng shongnxnt nvng mvreza nxnt dvtvn we rvtx nxnt nvrxm, pvlace nvng nonggwon shvngbe vga ra we ie.

Ya tiqnxnt tiqmvng bvnli keni  kvdx i we mongzxl jeju lunshima wawe rvtx, vsvng deci vdong yvng tewa dvsha mvre i ri, kvgx i gx mvdvbvngo vsvngri,  kvpa vkwit vye (Apportunities) gx mvluno ri svng dvbvngo long ie. Vra nx, tewa dvsha mvre i we  vsvngri, dvgario vpxo we svng mvluno vsvngri kaq dvbvngo keni vsvng dvci vrvm Mongzxl we jeju lunshie.

Nvzareth mvring keni Yesu Vkvng Pe nx, Vsvng dvci vrvm svng shongshi pe, mvreza nxnt dvtvno nx chuto pe ie. Yesu Vkang Pei dvtvno we Tiqnxnt Tiqmvng bvnli kaq cvndxng we i ninx, nxngmaq vdong yvng mongzxl we jeju svng jxng jxng lunshi e.